Read Муқаддас Китоб Uzbek Ҳикматлар 9 Bible Online

Ҳикматлар 9 - Муқаддас Китоб Uzbek bible

Ҳикматлар 9

¹Донолик[39] уй қурди, уйининг етти устунини қўйди.

²Қурбонлик келтирди, шароб тайёрлаб, дастурхон ёзди.

³Хизматкорларини шаҳарнинг энг баланд жойига юбориб, улар орқали:

⁴“Ким содда[40] бўлса, бу ёққа келсин”, — деб чақирди, ақлсизларга шундай деди:

⁵“Келинглар, таомимдан енглар. Мен тайёрлаган шаробдан ичинглар.

⁶Ғафлатдан воз кечинглар, шунда яшайсизлар, идрок йўлидан юринглар.”

⁷Мазах қилувчига танбеҳ берган таҳқирланади, фосиқнинг хатосини айтган ҳақоратланади.

⁸Мазах қилувчига танбеҳ берма, акс ҳолда, у сендан нафратланади. Донога танбеҳ бер, шунда у сени севади.

⁹Донога ўргатсанг, янада донороқ бўлади. Солиҳни ўқитсанг, билимини кўпайтиради.

¹⁰Эгамиздан қўрқиш[41] доноликнинг бошидир[42], Муқаддас Худони билиш идрокдир.

¹¹Чунки донолик туфайли умрингга умр қўшилади.

¹²Доно бўлсанг ўзингга фойда, мазах қилсанг ўзинг жабр тортасан.

¹³Аҳмоқ аёл шаллақи ва фаросатсиздир, у ҳеч нарсани билмайди.

¹⁴Уйининг эшиги олдида, шаҳарнинг энг баланд жойида ўтириб,

¹⁵йўлида тўғри юрган, ёнидан ўтиб кетаётганларни:

¹⁶“Кимки содда бўлса, бу ёққа келсин”, — деб чақиради, ақлсизларга шундай дейди:

¹⁷“Ўғирланган сув шириндир, беркитиб ейилган нон мазали.”

¹⁸Лекин у ерда арвоҳлар борлигини, унинг меҳмонлари ўликлар диёрининг[43] қаърида эканлигини билмайдилар.