Read Муқаддас Китоб Uzbek Ишаё 15 Bible Online

Ишаё 15 - Муқаддас Китоб Uzbek bible

Ишаё 15

¹Мўаб[97] ҳақида башорат: Вайрона бўлди тунда, Мўабдаги Ор шаҳри нидосиз ётар. Вайрона бўлди тунда, Мўабдаги Хир шаҳри[98] нидосиз ётар.

²Мўаб халқи ўз худосининг уйига чиқди фарёд қилгани, Ҳа, Дибонликлар саждагоҳига чиқди нола қилгани. Ҳар бирининг сочлари қирилган, Ҳар бирининг соқоли олинган, Наво ва Мидаво шаҳарлари учун Мўаб нола чекар.

³Кўчаларда халқ қанорга ўранган[99]. Томларда, хиёбонларда фарёд қилиб, Ҳаммаси кўз ёшларини тўкар.

⁴Хашбон, Элалей аҳли фарёд чекар, Уларнинг овози Яхазгача эшитилар. Мўабнинг қуролланганлари фарёд этар, Улар қўрқувдан қалтирар.

⁵Юрагим Мўаб учун фарёд қилади, Қочоқлар қочиб борар Зўварга, Эглат — Шалишиё шаҳрига. Лухит тепалигига ҳам улар йиғлаб боради. Ҳатто Хўронайим йўлида Улар ҳалокат туфайли фиғон чекади.

⁶Ҳа, ўтлар қуриб адо бўлди, Майсалар тамом бўлди. Яшилликдан асар қолмади, Нимрим суви хароб бўлди.

⁷Энди улар ўзлари эришган бойликларни, Ўзларининг ҳамма мол — мулкларини Арабим сойлиги орқали олиб кетади.

⁸Фарёд етиб борган Эхлайим шаҳригача, Йиғи етиб борган Бэр — Илим шаҳригача, Мўаб юрти оҳу нолага тўлди!

⁹Ана, Дибондаги сувлар[100] қон билан тўла! Аммо энди Худо Дибонга[101] баттарини қилади. Мўабнинг қочиб қутулганларига, Юртдаги қолган — қутганларининг бошига Шерларни олиб келаман.