Read Муқаддас Китоб Uzbek Хўшея 3 Bible Online

Хўшея 3 - Муқаддас Китоб Uzbek bible

Хўшея 3

¹Эгамиз менга деди: “Қани бор, Хўшея! Ўйнаши бор ўша суюқоёқ хотинингга[21] бошқатдан кўнгил қўй. Мен, Эгангиз, Исроил халқини қандай севсам, сен ҳам хотинингни шундай севгин. Зотан, халқимнинг ҳам кўнгли бошқа худоларга чопади, ҳовуч — ҳовуч майизни[22] уларга назр қилишни халқим яхши кўради.”

²Шундай қилиб, мен ўн беш бўлак кумуш[23] ва ўн беш тоғора арпага[24] ўз хотинимни сотиб олдим[25].

³Унга дедим: “Сен узоқ вақт давомида меникида яшайсан. Фоҳишалик қилмайсан. Ўша вақт мобайнида бирорта эркакка яқинлашмайсан, мен ҳам сенга яқинлашмайман.”

⁴Шу сингари, Исроил халқи ҳам узоқ вақт давомида[26] шоҳу шаҳзодасиз, қурбонликлару бутсимон тошларсиз, эфод[27] ва бутларсиз яшайди.

⁵Бундан кейин улар қайтадан Эгаси Худога ва Довуд наслидан бўлган шоҳга[28] юз буришади. Келажакда Эгамизга қўрқув билан бўйин эгишади. Худонинг баракасидан баҳраманд бўлишади.