Read Муқаддас Китоб Uzbek Саҳрода 26 Bible Online

Саҳрода 26 - Муқаддас Китоб Uzbek bible

Саҳрода 26

¹Ўлатдан сўнг Эгамиз Мусо билан руҳоний Ҳорун ўғли Элазарга деди:

²“Жамики Исроил халқининг урушга яроқли бўлган йигирма ва ундан юқори ёшдаги ҳамма эркакларини хонадони бўйича санаб чиқинглар.”

³Бу пайтда Исроил халқи Мўаб текислигида, Ерихо шаҳри рўпарасидаги Иордан дарёси бўйида қароргоҳ қурган эди. Мусо билан руҳоний Элазар халққа:

⁴“Эгамиз бизга амр қилгандай йигирма ёшдан юқори бўлган эркакларини санаб чиқинглар”, деб айтишди. Миср юртидан чиққан жамики Исроил халқининг рўйхати қуйидагича эди:

⁵Рубен Исроилнинг[143] тўнғичидир. Рубен ўғилларидан келиб чиққан уруғлар мана шулардир: Ханўхдан Ханўх уруғи, Паллувдан Паллув уруғи,

⁶Хазрондан Хазрон уруғи, Кармидан Карми уруғи келиб чиққан.

⁷Рубен уруғлари мана шулардан иборатдир. Улар саналганда, 43.730 киши чиқди.

⁸Паллувнинг Элиёб деган ўғли бор эди,

⁹Элиёбнинг эса Намувол, Датан ва Абурам деган ўғиллари бор эди. Датан ва Абурам Исроил йўлбошчилари эди. Кўрахнинг издошлари Эгамизга қарши исён кўтаришганда[144], Датан ва Абурам ҳам уларга қўшилишиб, Мусо билан Ҳорунга қарши бош кўтарган эдилар.

¹⁰Ер ёрилиб, Кўрах билан бирга уларни ҳам ютиб юборганди. Ўша куни аланга Кўрахнинг 250 нафар издошини куйдириб йўқ қилганди. Мана шу воқеа халққа огоҳлантириш эди.

¹¹Лекин Кўрахнинг ўғиллари ўша куни омон қолди.

¹²Шимўн ўғилларидан келиб чиққан уруғлар шулардир: Намуволдан Намувол уруғи, Ёминдан Ёмин уруғи, Ёхиндан Ёхин уруғи,

¹³Зерахдан Зерах уруғи, Шовулдан Шовул уруғи келиб чиққан.

¹⁴Шимўн уруғлари мана шулардан иборатдир. Улар саналганда, 22.200 киши чиқди.

¹⁵Гад ўғилларидан келиб чиққан уруғлар шулардир: Зафўндан Зафўн уруғи, Хагидан Хаги уруғи, Шунодан Шуно уруғи,

¹⁶Ознахдан Ознах уруғи, Еридан Ери уруғи,

¹⁷Арўддан Арўд уруғи, Эралидан Эрали уруғи келиб чиққан.

¹⁸Гад уруғлари мана шулардан иборатдир. Улар саналганда, 40.500 киши чиқди.

¹⁹Яҳудо ўғилларидан келиб чиққан уруғлар шулардир: Шелодан Шело уруғи, Параздан Параз уруғи, Зерахдан Зерах уруғи келиб чиққан. Яҳудонинг икки ўғли Ғур ва Ўнан Канъон юртида оламдан ўтган эдилар[145].

²⁰

²¹Параздан келиб чиққан уруғлар шулардир: Хазрондан Хазрон уруғи, Хомулдан Хомул уруғи келиб чиққан.

²²Яҳудо уруғлари мана шулардан иборатдир. Улар саналганда, 76.500 киши чиқди.

²³Иссахор ўғилларидан келиб чиққан уруғлар шулардир: Тўлодан Тўло уруғи, Пувахдан Пувах уруғи,

²⁴Ёшувдан Ёшув уруғи, Шимрондан Шимрон уруғи келиб чиққан.

²⁵Иссахор уруғлари мана шулардан иборатдир. Улар саналганда, 64.300 киши чиқди.

²⁶Забулун ўғилларидан келиб чиққан уруғлар шулардир: Сареддан Саред уруғи, Элўндан Элўн уруғи, Яхлиёлдан Яхлиёл уруғи келиб чиққан.

²⁷Забулун уруғлари мана шулардан иборатдир. Улар саналганда, 60.500 киши чиқди.

²⁸Юсуфнинг ўғиллари Манаше ва Эфрайимдан келиб чиққан уруғлар қуйидагилардир:

²⁹Манашедан келиб чиққан уруғлар шулардир: Мохирдан Мохир уруғи келиб чиқди. Гилад уруғи Мохирнинг ўғли Гиладдан келиб чиққан.

³⁰Гиладдан келиб чиққан уруғлар қуйидагичадир: Язардан Язар уруғи, Халекдан Халек уруғи,

³¹Осриёлдан Осриёл уруғи, Шакамдан Шакам уруғи,

³²Шамидодан Шамидо уруғи, Хафердан Хафер уруғи келиб чиққан.

³³Хафер ўғли Залофходнинг ўғли йўқ, қизлари бор эди, холос. Залофход қизларининг исмлари Махло, Нуваҳ, Хўглах, Милхо ва Тирза эди.

³⁴Манаше уруғлари мана шулардан иборатдир. Улар саналганда, 52.700 киши чиқди.

³⁵Эфрайим ўғилларидан келиб чиққан уруғлар шулардир: Шуталахдан Шуталах уруғи, Бохирдан Бохир уруғи, Тахандан Тахан уруғи келиб чиққан.

³⁶Шуталах ўғли Ирондан Ирон уруғи келиб чиққан.

³⁷Эфрайим уруғлари мана шулардан иборатдир. Улар саналганда, 32.500 киши чиқди. Юсуф насли ана шулардан иборатдир.

³⁸Бенямин ўғилларидан келиб чиққан уруғлар шулардир: Белахдан Белах уруғи, Ошболдан Ошбол уруғи, Охирамдан Охирам уруғи,

³⁹Шафуфамдан Шафуфам уруғи, Хуфамдан Хуфам уруғи келиб чиққан.

⁴⁰Белахнинг ўғиллари Ард ва Нўъмондан келиб чиққан уруғлар шулардир: Арддан Ард уруғи, Нўъмондан Нўъмон уруғи келиб чиққан.

⁴¹Бенямин уруғлари мана шулардан иборатдир. Улар саналганда, 45.600 киши чиқди.

⁴²Дан ўғли Хушимдан Хушим[146] уруғи келиб чиққан. Дан уруғлари шулардан иборатдир:

⁴³бутун Дан насли Шухом уруғидан ташкил топган эди. Улар саналганда, 64.400 киши чиқди.

⁴⁴Ошер ўғилларидан келиб чиққан уруғлар шулардир: Йимнахдан Йимнах уруғи, Йишвидан Йишви уруғи, Бариёдан Бариё уруғи келиб чиққан.

⁴⁵Бариё ўғилларидан келиб чиққан уруғлар шулардир: Хабердан Хабер уруғи, Малхиёлдан Малхиёл уруғи келиб чиққан.

⁴⁶Ошернинг Серах деган қизи ҳам бор эди.

⁴⁷Ошер уруғлари мана шулардан иборатдир. Улар саналганда, 53.400 киши чиқди.

⁴⁸Нафтали ўғилларидан келиб чиққан уруғлар шулардир: Яхзиёлдан Яхзиёл уруғи, Гўнодан Гўно уруғи,

⁴⁹Изардан Изар уруғи, Шиллемдан Шиллем уруғи келиб чиққан.

⁵⁰Нафтали уруғлари мана шулардан иборатдир. Улар саналганда, 45.400 киши чиқди.

⁵¹Шундай қилиб, Исроил халқининг ҳамма эркаклари саналганда, 601.730 киши чиқди.

⁵²Эгамиз Мусога деди:

⁵³“Ерни одамларнинг сонига қараб қабилаларга мулк қилиб бўлиб бер.

⁵⁴Катта қабилага каттароқ улуш бер, кичик қабилага кичикроқ улуш бер. Ҳар бир қабилага рўйхатга олинган одамларнинг миқдорига қараб улуш берилсин.

⁵⁵Ерни қабилаларга рўйхатдаги одамларнинг сонига қараб бўлиб бераётганингизда, қуръа ташланглар[147].

⁵⁶Ҳар бир қабиланинг улуши қабиланинг катта — кичиклигига қараб қуръа бўйича тақсимлансин.”

⁵⁷Леви қабиласининг рўйхати эса, уруғлари бўйича, қуйидагичадир: Гершондан Гершон уруғи, Қоҳотдан Қоҳот уруғи, Мароридан Марори уруғи келиб чиққан.

⁵⁸Бу уруғлардан: Лубнах уруғи, Хеврон уруғи, Махли уруғи, Муши уруғи, Кўрах уруғи келиб чиққан. Қоҳот Имромнинг отаси эди.

⁵⁹Имромнинг хотини эса Йўхавад деган аёл эди. Йўхавад Левининг қизи бўлиб, у Мисрда туғилган эди. Йўхавад Имромга икки ўғил — Ҳорун ва Мусони ҳамда бир қиз — Марямни туғиб берди.

⁶⁰Ҳоруннинг Надов, Абиҳу, Элазар, Итамар деган ўғиллари бор эди.

⁶¹Надов ва Абиҳу Эгамиз амр этмаган оловни Унинг ҳузурига олиб келганлари учун нобуд бўлган эдилар[148].

⁶²Шундай қилиб, Леви қабиласининг бир ойлик ўғил болаларидан тортиб, катта ёшдаги эркакларигача саналганда, 23.000 киши чиқди. Левиларга Исроил халқи орасида улуш берилмагани учун, улар Исроил халқи қаторида рўйхатга олинмаган эди.

⁶³Мусо билан руҳоний Элазар Мўаб текислигида, Ерихо шаҳри рўпарасидаги Иордан дарёси бўйида рўйхатга олган Исроил халқи ана шулардан иборат эди.

⁶⁴Мусо билан руҳоний Ҳорун Синай саҳросида рўйхатга олган одамларнинг бирортаси бу рўйхатга кирмади,

⁶⁵чунки Эгамиз Исроил халқининг ўша авлодига: “Сизлар саҳрода ўлиб кетасизлар”, деб айтганди[149]. Улардан фақат Натан ўғли Холиб ва Нун ўғли Ёшуа тирик қолган эди.