Read Муқаддас Китоб Uzbek Саҳрода 33 Bible Online

Саҳрода 33 - Муқаддас Китоб Uzbek bible

Саҳрода 33

¹Мусо Эгамизнинг амрига кўра, сафар давомида қароргоҳ қурилган жойларнинг номларини бирма — бир рўйхат қилиб ёзган эди. Мусо ва Ҳорун бошчилигида Мисрдан қабила — қабила бўлиб чиққан Исроил халқининг тўхтаган жойлари қуйидагилардир:

³Биринчи ойнинг[194] ўн бешинчи кунида, Фисиҳ зиёфатининг эртасига Исроил халқи Рамзес шаҳрини тарк этди. Улар жамики Миср халқининг кўзи олдида шахдам қадам билан Мисрдан чиқиб кетишди.

⁴Шу вақтда Мисрликлар Эгамиз нобуд қилган ҳамма тўнғич ўғилларини дафн қилаётган эдилар. Эгамиз шу йўсинда Миср худоларини маҳкум этган эди.

⁵Шундай қилиб, Исроил халқи Рамзесни тарк этиб, Сухотда қароргоҳ қурди.

⁶Сўнг Сухотдан кетиб, саҳронинг четидаги Этхамда қароргоҳ қурди.

⁷Улар Этхамдан чиқиб, орқага — Баал — Зафўннинг шарқидаги Пий — Хахирўтга йўл олиб, Мигдол ёнида қароргоҳ қуришди.

⁸Пий — Хахирўтдан ҳам чиқиб, Қизил денгиздан[195] ўтишди — да, саҳро томон йўл олишди. Этхам саҳросини уч кун кезганларидан кейин, Марода қароргоҳ қуришди.

⁹Кейин Мародан кетиб, Илимда қароргоҳ қуришди. Илимда ўн иккита булоқ ва етмишта хурмо дарахти бор эди.

¹⁰Улар Илимдан кейин, Қизил денгиз[196] бўйида қароргоҳ қуришди.

¹¹Кейин Қизил денгиз бўйидан кетиб, Син саҳросида[197] қароргоҳ қуришди.

¹²Син саҳросидан кетиб, Дофкахда қароргоҳ қуришди.

¹³Дофкахдан кетиб, Элишда қароргоҳ қуришди.

¹⁴Элишдан кетиб, Рафидимда қароргоҳ қуришди. Лекин у ерда ичимлик суви йўқ эди[198].

¹⁵Рафидимдан кетиб, Синай саҳросида қароргоҳ қуришди.

¹⁶Синай саҳросидан кетиб, Хиврут — Хаттавода қароргоҳ қуришди.

¹⁷Хиврут — Хаттаводан кетиб, Хазерўтда қароргоҳ қуришди.

¹⁸Хазерўтдан кетиб, Ритмада қароргоҳ қуришди.

¹⁹Ритмадан кетиб, Риммон — Паразда қароргоҳ қуришди.

²⁰Риммон — Параздан кетиб, Либнада қароргоҳ қуришди.

²¹Либнадан кетиб, Риссада қароргоҳ қуришди.

²²Риссадан кетиб, Кахелетахда қароргоҳ қуришди.

²³Кахелетахдан кетиб, Шафер тоғида қароргоҳ қуришди.

²⁴Шафер тоғидан кетиб, Харадахда қароргоҳ қуришди.

²⁵Харадахдан кетиб, Макхилўтда қароргоҳ қуришди.

²⁶Макхилўтдан кетиб, Тахатда қароргоҳ қуришди.

²⁷Тахатдан кетиб, Тераҳда қароргоҳ қуришди.

²⁸Тераҳдан кетиб, Миткада қароргоҳ қуришди.

²⁹Миткадан кетиб, Хашмонахда қароргоҳ қуришди.

³⁰Хашмонахдан кетиб, Мосарўтда қароргоҳ қуришди.

³¹Мосарўтдан кетиб, Банияқонда қароргоҳ қуришди.

³²Банияқондан кетиб, Хор — Хагигадда қароргоҳ қуришди.

³³Хор — Хагигаддан кетиб, Ётботода қароргоҳ қуришди.

³⁴Ётботодан кетиб, Аврўнда қароргоҳ қуришди.

³⁵Аврўндан кетиб, Эзйўн — Геберда қароргоҳ қуришди.

³⁶Эзйўн — Гебердан кетиб, Зин чўлидаги Кадешда қароргоҳ қуришди.

³⁷Кадешдан кетиб, Эдом юртининг чегарасидаги Хўр тоғида қароргоҳ қуришди.

³⁸Руҳоний Ҳорун Эгамизнинг амри билан Хўр тоғига чиқиб, ўша ерда вафот этди. Бу воқеа Исроил халқи Мисрдан чиққанига қирқ йил бўлганда, бешинчи ойнинг[199] биринчи кунида содир бўлди.

³⁹Ҳорун Хўр тоғида вафот этганда 123 ёшда эди.

⁴⁰Канъонлик Арод шоҳи шу пайтда: “Исроил халқи келяпти” деган хабарни эшитди. У Канъондаги Нагав чўлида[200] яшарди.

⁴¹Исроил халқи Хўр тоғидан кетиб, Залмўнода қароргоҳ қурди.

⁴²Улар Залмўнодан кетиб, Пунонда қароргоҳ қуришди.

⁴³Пунондан кетиб, Обўтда қароргоҳ қуришди.

⁴⁴Обўтдан кетиб, Мўаб ҳудудидаги Ивай — Аборимда қароргоҳ қуришди.

⁴⁵Ивай — Аборимдан[201] кетиб, Дибон — Гадда қароргоҳ қуришди.

⁴⁶Дибон — Гаддан кетиб, Элмон — Диблатайимда қароргоҳ қуришди.

⁴⁷Элмон — Диблатайимдан кетиб, Наво тоғининг ёнидаги Аборим тоғларида[202] қароргоҳ қуришди.

⁴⁸Аборим тоғларидан кетиб, Мўаб текислигида, Ерихо шаҳрининг рўпарасидаги Иордан дарёси бўйида қароргоҳ қуришди.

⁴⁹Улар Мўаб текислигида Иордан бўйлаб, Байт — Яшимўтдан тортиб, Овил — Шитимгача қароргоҳ қуришди.

⁵⁰Мўаб текислигида, Ерихо шаҳрининг рўпарасидаги Иордан дарёси бўйида Эгамиз Мусога шундай деди:

⁵¹— Исроил халқига айт: “Сизлар Иордан дарёсининг нариги томонига ўтиб, Канъон юртига борганларингиздан кейин

⁵²у ернинг аҳолисини ҳайдаб чиқаринглар. Уларнинг ҳамма тош ва қуйма бутларини йўқ қилинглар, жамики саждагоҳларини бузиб ташланглар.

⁵³Ўша юртга эгалик қилинглар, у ерда ўрнашиб олинглар, чунки Мен ўша юртни сизларга берганман.

⁵⁴Ерларни уруғларингиз орасида қуръа бўйича[203] бўлиб беринглар. Катта уруққа каттароқ улуш, кичик уруққа кичикроқ улуш беринглар. Қуръа бўйича кимга қаер чиқса, ўша ер ўша уруғнинг улуши бўлиб қолади. Шу йўсинда ерларни қабилалар орасида бўлиб беринглар.

⁵⁵Агар сизлар ўша юртнинг аҳолисини ҳайдаб чиқармасангиз, уларнинг қолган — қутганлари сизлар учун кўзга кирган зирапчадай, биқинга санчилган тикандай бўлади. Улар сизларни яшаб турган юртингизда сиқади.

⁵⁶Шунда Мен уларнинг бошига нима солмоқчи бўлган бўлсам, сизнинг бошингизга соламан.”