Read Муқаддас Китоб Uzbek Закариё 5 Bible Online

Закариё 5 - Муқаддас Китоб Uzbek bible

Закариё 5

¹Мен яна тепага қараб учаётган ўрама бир қоғозни[29] кўрдим.

²Фаришта мендан: — Нима кўряпсан? — деб сўради. Мен: — Учиб кетаётган ўрама бир қоғозни кўряпман, унинг узунлиги йигирма тирсак, эни эса ўн тирсак[30], — деб жавоб бердим.

³Шунда у менга деди: — Бу қоғозга бутун юрт устига келадиган лаънат ёзилган. Қоғознинг бир томонидаги ёзувга кўра, ўғрилик қилганлар, орқа томонидаги ёзувга кўра, ёлғон қасам ичганлар юртдан йўқ қилинади.

⁴Сарвари Олам айтмоқда: “Бу лаънатни Мен юбордим, у ўғрининг уйига киради. Ким Менинг номим билан ёлғон қасам ичса, ўшанинг уйига киради. Лаънат ўша уйда бўлиб, уни тош ва синчларига қўшиб, бутунлай вайрон қилади.”

⁵Мен билан гаплашган фаришта келиб, менга шундай деди: — Қара — чи, келаётган нарса нима экан.

⁶Мен: — У нима? — деб сўрадим. Фаришта: — Бу келаётган нарса саватдир, — деб жавоб берди. — Юртдаги жамики аҳолининг нияту муддаоларини билдирувчи тимсол ўша сават ичидадир.

⁷Қўрғошиндан ясалган қопқоқ очилди, саватнинг ичида эса бир аёл ўтирган экан.

⁸Фаришта деди: — Бу аёлнинг исми Фосиқлик. Шундай деб, у аёлни қайтариб саватга тиқиб қўйди — да, қопқоғини ёпди.

⁹Мен яна тепага қараб, иккита аёл учиб келаётганини кўрдим. Улар қанотларини шамолда ёйган ҳолда учиб келаётган эдилар, қанотлари турнанинг қанотларига ўхшар эди. Улар келиб ўша саватни олдилар — да, осмонга кўтариб олиб кетдилар.

¹⁰Мен билан гаплашаётган фариштадан сўрадим: — Улар саватни қаерга олиб кетишяпти?

¹¹У менга: — Бобил[31] юртига олиб кетишяпти, — деб жавоб берди. — Ўша ерда унга саждагоҳ қуришади. Саждагоҳ тайёр бўлгандан кейин, саватни ўша ерда ўз жойига қўйишади.