Read Муқаддас Китоб Uzbek Римликлар 10 Bible Online

Римликлар 10 - Муқаддас Китоб Uzbek bible

Римликлар 10

¹Биродарларим, мен ўз халқим Исроилнинг нажот топишини чин дилдан истайман ва бу учун Худога илтижо қиламан.

²Ахир, ўзим гувоҳман: улар жон — жаҳдлари билан Худога берилганлар, аммо ҳақиқий тушунчага эга эмаслар.

³Худонинг инсонларни оқлаш йўлини тушунмасдан, ўзларини оқлаш ниятида, улар Худонинг ҳақ йўлига бўйсунмадилар.

⁴Исо Масиҳ эса қонуннинг мақсадини амалга оширди, шу тариқа ҳамма имон орқали оқланади.

⁵Қонун орқали оқланиш ҳақида Мусо қуйидагича ёзган эди: “Худонинг қонун — қоидаларига риоя қилган одам ҳаётдан баҳраманд бўлади.”[59]

⁶Имон орқали оқланиш ҳақида эса Муқаддас битикларда нима деб ёзилган? “Юрагингизда: «Ким осмонга чиқади? Ким тубсиз чуқурликка тушади?» дея сўраманглар”, деб ёзилган[60]. Демак, Масиҳни ерга тушириш учун ҳеч ким осмонга чиқиши шарт эмас, Масиҳни тирилтириш учун ҳам ҳеч ким ўликлар диёрига[61] тушиши шарт эмас.

⁸Ахир, Муқаддас битикларда яна шундай ёзилган: “Бу калом сизнинг яқинингиздадир, оғзингизда ва юрагингиздадир.”[62] Биз ваъз қилаётган имон ҳақидаги калом ана шудир.

⁹Агар ўз оғзингиз билан Исони Раббим деб эътироф этиб, Худо Уни ўликдан тирилтирганига чин юракдан ишонсангиз, нажот топасиз.

¹⁰Чунки инсон қалбидан ишониб оқланади ва оғзи билан эътироф этиб нажот топади.

¹¹Муқаддас битикларда ёзилгандай: “Унга ишонган ҳеч бир инсон уятга қолмайди.”[63]

¹²Яҳудийлар билан ғайрияҳудийлар орасида асло фарқ йўқ. Уларнинг Раббийси бир бўлиб, Унга илтижо қилганларнинг биронтасидан У Ўз меҳр — шафқатини аямайди.

¹³Ахир, “Раббимизга илтижо қилган ҳар бир инсон қутқарилади”[64], деб ёзилган — ку.

¹⁴Аммо Раббимиз Исога ишонмаганлар қандай қилиб Унга илтижо қиладилар?! У ҳақда эшитмаган бўлсалар, қандай қилиб Унга ишонадилар?! Ҳеч ким уларга Хушхабарни эълон қилмаса, қандай қилиб эшитадилар?!

¹⁵Уларни ҳеч ким юбормаса, қандай қилиб Хушхабарни эълон қиладилар?! Муқаддас битикларда қуйидагича ёзилган — ку: “Хушхабарни эълон қилган хабарчининг қадамлари нақадар гўзал!”[65]

¹⁶Аммо Хушхабарга ҳамма ҳам ишонмади. Ишаё ҳам шундай деган — ку: “Эй Эгам, бизнинг хабаримизга ким ишонди?”[66]

¹⁷Демак, имон тинглашдан, яъни Масиҳ ҳақидаги Хушхабарни эшитишдан келиб чиқади.

¹⁸Менинг бир саволим бор. Хўш, улар эшитмаганмиди? Албатта эшитганлар, чунки “хабарчиларнинг овозлари ҳар томонга тарқалди, хабарлари оламнинг четигача етиб борди”[67], деб ёзилган — ку.

¹⁹Бундан яна бир савол келиб чиқади. Хўш, Исроил халқи хабарни тушунмадими? Мусо орқали Худо шундай деганди: “Мен ҳам халқ бўлмаганлар билан уларнинг рашкини келтираман, Ақлсиз бир халқ билан ғазабини қўзғатаман.”[68]

²⁰Ишаё ҳам Худонинг сўзларини жасорат билан етказган: “Мени изламаганлар топди, Мени сўрамаганларга кўриндим.”[69]

²¹Исроил халқи ҳақида эса шундай дейди: “Итоатсиз ва ўжар халқни Кун бўйи қучоқ очиб кутдим.”[70]