Read Муқаддас Китоб Uzbek Римликлар 12 Bible Online

Римликлар 12 - Муқаддас Китоб Uzbek bible

Римликлар 12

¹Шундай қилиб, эй биродарларим, Худонинг марҳамати ҳақи сизларга ёлвораман. Ўз танангизни тирик, муқаддас ва Худога манзур бўладиган қурбонлик сифатида бағишланг. Худога лойиқ бўлган асл хизмат мана шудир.

²Бу дунёга мослашманглар, фикр — зикрингизни янгилаб, тубдан ўзгаринглар. Шунда Худонинг иродасини тушуна оладиган бўласиз, яъни нима яхши, Худога манзур ва мукаммал эканлигини била оладиган бўласиз.

³Менга берилган иноятдан фойдаланиб, сизларга айтяпман: ўзингизга ҳаддан ташқари юқори баҳо берманглар. Аксинча, Худо ҳар бир кишига қанча имон берган бўлса, шунга кўра, фикр қилиб, ақли расо одамлар бўлинглар.

⁴Ахир, танамиз бир бўлса — да, танамиз аъзолари кўп, танамиз аъзоларининг вазифаси ҳам бир хил эмас.

⁵Шунга ўхшаб, биз — Масиҳга тегишли бўлганлар бир танани ташкил қиламиз. Ҳар биримиз ҳар хил аъзолар бўлиб, бир — биримизга боғлиқмиз.

⁶Бизга берилган иноят бўйича ҳар биримизнинг ҳар хил инъомларимиз бор. Агар бирортасида Худонинг сўзини бошқаларга етказиш инъоми бўлса, у эътиқодимизга мувофиқ равишда гапирсин.

⁷Агар бирорта одамга хизмат қилиш инъоми берилган бўлса, у хизмат қилсин, агар бирортасига муаллимлик инъоми берилган бўлса, у таълим берсин.

⁸Агар инсонга далда бериш инъоми берилган бўлса, у далда берсин, беғараз ёрдам берадиган бўлса, сахийлик билан берсин. Етакчилик қиладиган одам қунт билан етакчилик қилсин, меҳр — шафқат кўрсатадиган одам хурсандчилик билан иш тутсин.

⁹Бир — бирингизга бўлган меҳр — муҳаббатингиз самимий бўлсин. Ёмонликдан нафратланиб, яхшиликни маҳкам тутинг.

¹⁰Бир — бирингизни биродарларча, чуқур муҳаббат билан яхши кўринг. Бир — бирингизни ҳурмат қилиб, ўзингиздан юқори кўринг.

¹¹Ғайратингиз сусаймасин, бутун қалбингиз билан Раббимиз Исога хизмат қилинг.

¹²Умидингиз борлиги учун хурсанд бўлинг. Қийинчиликда сабр — тоқат қилинг. Ибодат қилишдан чарчаманг.

¹³Муҳтожликда бўлган Худонинг азизларига ёрдам беринг, доимо меҳмондўст бўлинг.

¹⁴Сизларни қувғин қилаётганларни дуо қилинглар, уларни қарғаманглар.

¹⁵Севинаётганлар билан бирга севининглар, йиғлаётганлар билан бирга йиғланглар.

¹⁶Ўзаро ҳамфикр бўлинглар. Такаббурлик қилмай, бечора ҳамда паст табақали одамлар билан дўст бўлинглар. Ўзбилармонлик қилманглар.

¹⁷Ҳеч кимга ёмонлик эвазига ёмонлик қайтарманглар, одамлар яхшилик деб билганларни қилишга интилинглар.

¹⁸Агар иложи бўлса, қўлингиздан келганича, барча одамлар билан тинч — тотув ҳаёт кечиринглар.

¹⁹Азизларим, ўзингиз учун ўзингиз қасос олманг, балки Худонинг ғазабига йўл қўйиб беринг. Ахир, Муқаддас битикларда Эгамиз шундай деб айтган — ку: “Мен Ўзим қасос ва ўч оламан.”[81]

²⁰Муқаддас битикларда ёзилганидай қилинг: “Душманинг оч бўлса, овқат бер, Чанқаган бўлса, сув ичир. Шунда унинг бошига ёнаётган чўғ йиққандай бўласан.”[82]

²¹Ёмонлик сизни мағлуб қилмасин, аксинча, сиз ёмонликни яхшилик билан мағлуб этинг.