Read Муқаддас Китоб Uzbek 1 Салоникаликлар 3 Bible Online

1 Салоникаликлар 3 - Муқаддас Китоб Uzbek bible

1 Салоникаликлар 3

¹Охири чидай олмай, укамиз Тимўтийни олдингизга юборишга қарор қилдик. Ўзимиз эса Афина шаҳрида қолдик[7]. Масиҳ ҳақидаги Хушхабарни тарғиб этишдаги Худонинг хизматида Тимўтий бизнинг ҳамкоримиздир. Азоб — уқубатлар туфайли йўлдан тоймаслигингиз учун Тимўтий сизларни имонда мустаҳкамлаб, далда берсин, дедик. Қийинчиликларга учрашимиз пешанамизга ёзилганини ўзингиз биласиз — ку!

⁴Ахир, азоб — уқубатларга учраймиз, деб олдингизда бўлганимизда сизларни огоҳлантиргандик. Мана, биз айтганимиздек бўлди.

⁵Шунинг учун ортиқча сабр қила олмай, имонингиз ҳақида билиб келсин деб, Тимўтийни юбордим. Шайтон сизларни васвасага солиб, ишимизни бекор қилган бўлса керак, деб қўрққан эдим.

⁶Мана, Тимўтий сизларнинг олдингиздан қайтиб келди[8]. Бизга сизларнинг имонингиз ва севгингиз ҳақида яхши хабар олиб келди. Биз сизларни соғинганимиздек, сизлар ҳам бизни соғиниб қолибсиз. Бизни яхши сўзлар билан эслар экансиз. Тимўтий буларни бизга айтиб берди.

⁷Шундай қилиб, биродарлар, қийинчиликлар ва азоб — уқубатларда бўлсак ҳам, сизларнинг имонингиз ҳақида эшитиб, анча тасалли топдик.

⁸Раббимиз Исога бўлган имонингиз қатъий экан, энди биз енгил нафас олиб яшаймиз.

⁹Сизлар туфайли биз Худо олдида қувончга тўлиб юрибмиз. Шундай экан, қандай қилиб Худога ўз миннатдорчилигимизни билдирмай тура оламиз?!

¹⁰Сизлар билан яна дийдор кўришайлик, имонингизга имон қўшайлик деб, кечаю кундуз жон — жаҳдимиз билан ибодат қиляпмиз.

¹¹Отамиз Худонинг Ўзи ва Раббимиз Исо сизларнинг олдингизга боришимиз учун йўл очсин.

¹²Сизга бўлган меҳримиз тўлиб — тошгани каби, Раббимиз сизларнинг ҳам бир — бирингизга ва бошқа ҳаммага бўлган меҳр — муҳаббатингизга қалбингизни тўлдириб — тоширсин.

¹³Шунда қалбларингиз собит бўлади, Раббимиз Исо Ўз фаришталари[9] билан келганда, сизлар Отамиз Худо олдида айбсиз ва пок тура оласизлар.