Read Муқаддас Китоб Uzbek Ибронийлар 5 Bible Online

Ибронийлар 5 - Муқаддас Китоб Uzbek bible

Ибронийлар 5

¹Ҳар бир олий руҳоний инсонлар орасидан танлаб олинади. У Худога гуноҳлар учун назрлар ва қурбонликлар келтириб, халқ вакили бўлиб хизмат қилади.

²Ғафлатда гуноҳ қилиб қўйган одамларни олий руҳоний тушунади, чунки у ўзи ҳам инсон, камчиликлари бор.

³Шу сабабдан у нафақат халқнинг гуноҳлари учун, балки ўзининг гуноҳлари учун ҳам қурбонликлар келтириши зарур.

⁴Ҳеч ким ўз хоҳиши билан олий руҳоний бўла олмайди, балки Ҳорунга[32] ўхшаб Худо томонидан тайинланади.

⁵Шу тариқа, Масиҳ ҳам олий руҳонийлик шарафига интилмади, бундай мартабага У даъвогарлик қилмади. Аксинча, Унга: “Сен Менинг Ўғлимсан, Бугун Мен Сенга Ота бўлдим”[33], — деб айтган Худо Уни Олий руҳоний қилиб тайинлади.

⁶Зеро, бошқа бир жойда Худо Унга шундай деган: “Сен Маликсидиқ[34] сингари, То абад руҳонийсан.”[35]

⁷Масиҳ бу дунёда яшаган пайтда кўз ёш тўкиб, Худога фарёд қилди, Унга илтижо қилиб ёлворди[36]. Чунки Худо Уни ўлимдан қутқаришга қодир эканлигини Масиҳ билар эди. У Худони юксак даражада эъзозлагани учун Унинг илтижоси ижобат бўлди.

⁸Гарчи У Худонинг Ўғли бўлса ҳам, азоб — уқубат чекиб, итоаткорликнинг асл маъносини англади.

⁹Худо азоблар орқали Масиҳни баркамол қилди. Шундай қилиб, Унга итоат қилганларнинг ҳаммаси учун Масиҳ абадий нажот манбаи бўлди.

¹⁰Худо Масиҳни “Маликсидиқ сингари Олий руҳоний” деб эълон қилди.

¹¹Олий руҳонийимиз ҳақида сизларга яна кўп гапирган бўлардим — у, аммо қандай қилиб сизларга тушунтиришни билмайман, чунки сизнинг ақлингиз ўтмас бўлиб қолган.

¹²Сизлар ўзларингиз аллақачон устозлик қилишингиз керак эди! Аммо сиз бошқаларга эмас, бошқалар сизларга Худо каломининг илк асосларини ўргатишлари керак. Сизлар ҳали ҳам сутга муҳтожсиз! Қуюқ овқатни ҳазм қила олмайсиз.

¹³Сут билан озиқланадиган ҳар бир киши ҳали чақалоқ. У тўғри билан нотўғрининг фарқига бормайди.

¹⁴Қуюқ овқат эса улғайганлар учундир. Улар тажриба орттириб, яхшини ёмондан фарқлай оладилар.