Read Муқаддас Китоб Uzbek 3 Юҳанно 1 Bible Online

3 Юҳанно 1 - Муқаддас Китоб Uzbek bible

3 Юҳанно 1

¹Чин кўнгилдан яхши кўрадиган азиз биродарим Гаюсга мен — оқсоқолдан[1] салом!

²Азиз дўстим, ҳамма ишларингга Худодан ривож тилайман. Тананг, руҳинг сингари, соғ — саломат бўлсин.

³Ҳар сафар биродарларимиз келиб, сенинг ҳақиқатга содиқ қолганингни ва ҳақиқат бўйича яшаётганингни айтишганда, мен ғоят хурсанд бўламан.

⁴Мен учун фарзандларимнинг[2] ҳақиқат бўйича яшаётганларини эшитишдан каттароқ хурсандчилик йўқ.

⁵Азиз дўстим, сен биродарларимизга, ҳатто ўзинг танимаганларга ҳам, доим садоқат билан ёрдам бериб келяпсан.

⁶Улар сенинг меҳрибонлигинг тўғрисида имонлилар жамоатига айтиб юришибди. Бу ишингни давом эттиравер, Худога муносиб тарзда сафардаги биродарларга ёрдам бер.

⁷Ахир, улар Масиҳ номи учун йўлга чиққанлар. Имонсизлардан[3] ҳеч қандай ёрдам олмасликка қарор қилганлар.

⁸Биз бундай одамларни қўллаб — қувватлашимиз керак, шунда ҳақиқатни эълон қилишда уларга ҳамкор бўламиз.

⁹Мен имонлилар жамоатига[4] бир мактуб ёзган эдим. Аммо уларнинг ораларида ўзини катта тутаётган Диотрефес гапларимизга эътибор бермаяпти.

¹⁰Агар борсам, унинг қилмишларини фош этаман. У биз ҳақимизда ёмон гаплар тарқатиб, туҳмат қилиб юрибди. Бу билан ҳам кифояланмай, биродарларни қабул қилмаяпти, қабул қилмоқчи бўлганларга тўсқинлик қилиб, уларни ҳатто жамоатдан қувиб чиқаряпти.

¹¹Азиз биродарим, сен ёмонликка эмас, яхшиликка тақлид қил. Яхшилик қилувчи одам Худодандир. Ёмонлик қилувчи эса Худони кўрмаган.

¹²Демитрус[5] ҳақида эса ҳамма яхши гапирмоқда, унинг ҳаётида ва таълимотида акс этган ҳақиқатнинг ўзи ҳам у томондадир. Биз ҳам у ҳақда яхши фикрдамиз, гапимиз тўғри эканлигини ўзинг биласан.

¹³Сенга айтадиган гапим кўп, аммо уларни сиёҳ билан қоғозга ёзишни истамадим.

¹⁴Ундан кўра, яқин орада ўзинг билан юзма — юз кўришиб гаплашаман деган умиддаман.

¹⁵Тинч — омон бўлгин. Дўстларимиз сенга салом йўллаяптилар. У ердаги дўстларимга ҳам номма — ном салом айтиб қўй.