Read Ўзбек тилидаги Муқаддас Китоб (ЎЗМК), 2013 Забур 107 Bible Online

Забур 107 - Ўзбек тилидаги Муқаддас Китоб (ЎЗМК), 2013 bible

Забур 107

¹Довуд саноси. Қўшиқ.

²Эй Худо, юрагим Сенга содиқ, Жоним борича Сени куйлаб, қўшиқ айтаман.

³Уйғон, эй арфа, лира! Тонгни ҳам мен уйғотаман!

⁴Эй Эгам, халқлар орасида Сенга шукрона айтаман, Эллар орасида Сенга ҳамду сано куйлайман.

⁵Содиқ севгинг самолардай юксакдир, Садоқатинг булутларга чўзилгандир.

⁶Эй Худо, фалакдан ҳам юқорида юксалавер! Шуҳратинг бутун замин узра ёйилсин.

⁷Ўнг қўлинг ила ғалаба ато қилгин, Менга жавоб бергин, Ўзингнинг севганларинг топсин нажот.

⁸Эй Худо, Ўз муқаддас маконингдан ваъда бергансан [1]: “Шодланиб Шакамни [2] бўлиб ташлайман, Сухўт водийсини [3] тақсимлаб бераман.

⁹Гилад Меникидир, Манаше [4] Меникидир, Эфрайим дубулғамдир, Яҳудо [5] салтанат ҳассамдир.

¹⁰Мўаб Менинг қўлювгичимдир, Эдом узра чориғимни отаман [6], Филистлар [7] узра зафар ила ҳайқираман.”

¹¹Эҳ, қанийди мустаҳкам шаҳарга [8] мени олиб борсалар, Эдомга мени бошлаб борсалар.

¹²Эй Худо, ахир, бизни Ўзинг рад этдинг–ку! Лашкаримизга йўлбошчилик қилмаяпсан–ку энди!

¹³Душмандан қутқариб, бизга ёрдам бер, Инсоннинг ёрдами бутунлай беҳуда.

¹⁴Эй Худо, Сен билан биз ғолиб бўламиз, Душманларимизни Сен янчиб ташлайсан.