Read Ўзбек тилидаги Муқаддас Китоб (ЎЗМК), 2013 Забур 109 Bible Online

Забур 109 - Ўзбек тилидаги Муқаддас Китоб (ЎЗМК), 2013 bible

Забур 109

¹Довуд саноси. [1] Эгамиз айтмоқда ҳазратимга: “Душманларингни оёқларинг остига пойандоз қилмагунимча, Сен Менинг ўнг томонимда [1] ўтиргин.”

²Эй ҳазратим! Эгамиз сенинг ҳукмронлигингни Қуддусдан [2] бошлаб кенгайтирар! Душманларинг ўртасида сен ҳукмронлик қил!

³Сен жанг қиладиган кунда Жангчиларинг ўз хоҳиши билан майдонга чиқади. Эрта тонг ёш йигитларинг Шабнам каби атрофингда тўпланади, Улар муқаддас улуғворликка бурканган [3].

⁴Эгамиз онт ичган, қарорини ўзгартирмас: “Сен Маликсидиқ сингари То абад руҳонийсан.” [4]

⁵Раббий ўнг томонингда ўтирар, Ғазабланган кунда шоҳларни эзиб ташлар.

⁶У халқларни ҳукм қилиб, жасадларини уюм қилар, Бутун ер юзидаги ҳукмдорларни эзиб ташлар.

⁷Эй ҳазратим, йўл бўйидаги ирмоқдан сув ичасан, Кучга тўлиб, ғолиб бўлиб турасан.