Read Ўзбек тилидаги Муқаддас Китоб (ЎЗМК), 2013 Забур 136 Bible Online

Забур 136 - Ўзбек тилидаги Муқаддас Китоб (ЎЗМК), 2013 bible

Забур 136

¹Бобилдаги дарёлар бўйида ўтирардик, Йиғлаб, у ерларда Қуддусни [1] эслардик.

²Лираларимизни ўша ердаги толларга Осиб қўйгандик.

³Бизни у ерда асирга олганлар: “Қўшиқ айтиб беринглар”, дердилар, Бизга зулм қилганлар кўнгилларини чоғ қилгани: “Бизга Қуддус қўшиқларидан куйланглар”, дердилар.

⁴Қандай қилиб бегона юртда Биз Эгамизга қўшиқ куйлай олардик?!

⁵Эй Қуддус, агар сени унутсам, Ўнг қўлим қуриб қолсин.

⁶Агар мен сени эсламасам, Қуддусни энг катта шодлигим, деб билмасам, Тилим танглайимга ёпишиб қолсин.

⁷Эй Эгам, Қуддус қулаган кунда Эдомликлар [2] нима қилганини ёдда тутгин. Ахир, улар: “Қулатинг, йиқитинг уни! Пойдеворигача қулатиб ташланг!” деб бақирган.

⁸Эй Бобил шаҳри! Қирғинга маҳкум бўлгансан [3]. Бизга не қилган бўлсанг, ўшани Бошингга соладиганлар бахтлидир.

⁹Сенинг гўдакларингни ушлаб, қояга уриб, Тилка–пора қиладиганлар бахтлидир.