Read Ўзбек тилидаги Муқаддас Китоб (ЎЗМК), 2013 Забур 137 Bible Online

Забур 137 - Ўзбек тилидаги Муқаддас Китоб (ЎЗМК), 2013 bible

Забур 137

¹Довуд саноси. [1] Эй Эгам, чин дилдан Сенга шукрона айтаман, Фаришталар [1] олдида Сенинг мадҳингни куйлайман.

²Муқаддас Маъбадинг олдида сажда қиламан, Содиқ севгинг, садоқатинг учун Ўзингга шукрона айтаман, Номингни ҳам, сўзингни ҳам ҳар нарсадан юқори қўйгансан.

³Чақирганимда, менга жавоб бергансан, Қудратинг билан мени жасур қилгансан.

⁴Эй Эгам, замин шоҳлари Сенга шукр айтади, Оғзингдан чиққан сўзларни улар эшитганлар.

⁵Эй Эгам, қилганларингни улар куйласинлар! Сенинг шуҳратинг буюкдир!

⁶Гарчи Сен юксак бўлсанг–да, хор бўлганларга боқасан, Киборларни Сен узоқдан ҳам биласан.

⁷Кулфатда юрсам ҳам, душманларим ғазабидан сақлайсан, Ўнг қўлингни узатиб, мени қутқарасан.

⁸Эй Эгам, мен учун қасос оласан [2]. Содиқ севгинг то абад давом этар, Ўзинг яратганларни тарк этмагин.