Read Ўзбек тилидаги Муқаддас Китоб (ЎЗМК), 2013 Забур 139 Bible Online

Забур 139 - Ўзбек тилидаги Муқаддас Китоб (ЎЗМК), 2013 bible

Забур 139

¹Ижрочилар раҳбарига. Довуд саноси.

²Ёмонлардан мени қутқар, эй Эгам, Зўравонлардан ҳимоя қил мени.

³Улар юракларида қабиҳликни қасд қилади, Доимо уруш–жанжалларни қўзғайди.

⁴Улар тилларини илондай ўткир қилади, Тилларидан илон заҳри томади.

⁵Эй Эгам, мени қабиҳларнинг қўлидан қутқар, Йиқитмоқчи бўлган зўравонлардан мени ҳимоя қил.

⁶Такаббурлар мен учун тузоқ қўйганлар, Улар тўрларининг ипларини ёйганлар, Йўлим бўйлаб менга қопқон қўйганлар.

⁷Эй Эгам, Сенга айтаман: “Сен Менинг Худойимсан.” Қулоқ сол, эй Эгам, Сенга илтижо қиламан.

⁸Эй Эгам Раббий, қудратли нажоткорим! Жанг кунида бошимни омон сақладинг.

⁹Эй Эгам, фосиқнинг истагини бажо қилмагин, Уларнинг қабиҳ режаларига омад бермагин, Улар мағрурланиб кетмасин.

¹⁰Атрофимни ўраб олганларнинг таҳдидлари, Ўзларининг бошига келсин.

¹¹Ёнаётган кўмир чўғи ўзларига ёғилсин, Улар оловга, ифлос чуқурларга улоқтирилсин, Асло қайтиб чиқмасин.

¹²Туҳматчиларга юртда асло жой бўлмасин, кўкармасин, Фалокат золимнинг изидан тушиб, уни йўқ қилсин.

¹³Биламан, эй Эгам, мазлумни ҳимоя қиласан, Бечораҳолни адолат ила қўллаб–қувватлайсан.

¹⁴Солиҳлар албатта Сенга шукрона айтади, Тўғри инсонлар ҳузурингда истиқомат қилади.