Read Ўзбек тилидаги Муқаддас Китоб (ЎЗМК), 2013 Забур 141 Bible Online

Забур 141 - Ўзбек тилидаги Муқаддас Китоб (ЎЗМК), 2013 bible

Забур 141

¹Ғорда бўлган пайтда [1] Довуднинг айтган қасидаси. Ибодат. [1] Эй Эгам, Сенга қаттиқ фарёд қиламан, Эй Эгам, Сенга қаттиқ ёлвораман.

²Дардларимни Сенга тўкиб соламан, Қайғуларимни Сенинг олдингда айтаман.

³Руҳим сўлғин бўлганда, Йўлларимни Сен биласан. Мен юрадиган сўқмоқларда Ғанимларим менга тузоқ қўйишган.

⁴Ўнг томонимга қараб кўр: Менга эътибор берадиган бирон кимса йўқ. Ҳеч қаерга қочиб кета олмайман, Мен учун ҳеч ким қайғурмас.

⁵Сенга ёлвориб айтаман, эй Эгам: “Сен менинг паноҳимсан, Бу дунёдаги хавфсизлигим Сенсан.”

⁶Фарёдимга қулоқ солгин, Ахир, оёқ ости бўлиб кетдим–ку. Мени таъқиб қилувчилардан қутқар, Улар мендан ғоят кучлидирлар.

⁷Мени тутқунликдан чиқариб олгин, Токи Сенга шукрона айтай. Менга эзгулик қилганинг учун Солиҳлар атрофимни ўраб олади.