Read Ўзбек тилидаги Муқаддас Китоб (ЎЗМК), 2013 Забур 142 Bible Online

Забур 142 - Ўзбек тилидаги Муқаддас Китоб (ЎЗМК), 2013 bible

Забур 142

¹Довуд саноси. [1] Эшитгин, эй Эгам, ибодатларимни, Сен содиқсан, ёлворишларимга қулоқ сол, Сен одилсан, жавоб бер.

²Мен, Ўз қулингни ҳукм қилмагин, Ҳузурингда ҳеч ким солиҳ эмас.

³Душманлар мени таъқиб қилган, Менинг танамни тупроққа қорган, Азалда оламдан ўтганлар каби Мени зулматда яшашга мажбур қилар.

⁴Шу боис ичимда руҳим сўлган, Юрагим қўрқувдан увишиб қолган.

⁵Мен олдинги кунларни эслайман, Сенинг ҳамма ишларинг ҳақида ўйлайман, Қўлларинг ижодини хаёлимга келтираман.

⁶Қўлларимни Сенга ибодат учун очаман, Қақраган ер каби жоним Сенга ташна.

⁷Эй Эгам, менга тез жавоб бер, Руҳим тушиб кетмоқда, Юзларингни мендан яширмагин, Токи қабрга кирганлардай бўлиб қолмай.

⁸Саҳарда содиқ севгингни менга билдиргин, Умидимни Сенга боғлайман. Юрадиган йўлимни Ўзинг кўрсатгин, Юрагимни Сенга очаман.

⁹Эй Эгам, мени ғанимларимдан қутқар, Паноҳ истаб Сенга қочиб борганман.

¹⁰Сенинг хоҳишингни қилмоққа мени ўргат, Сен Худойимсан, Сенинг эзгу Руҳинг Мени текис сўқмоқдан етаклаб борсин.

¹¹Эй Эгам, Ўз номинг ҳақи мени сақлагин, Адолатинг билан мени кулфатдан қутқаргин.

¹²Содиқ севгинг ҳақи қиргин ғанимларимни, Йўқ қилиб ташлагин ҳамма душманларимни, Ахир, мен Сенинг қулингман–ку.