Read Ўзбек тилидаги Муқаддас Китоб (ЎЗМК), 2013 Ҳикматлар 28 Bible Online

Ҳикматлар 28 - Ўзбек тилидаги Муқаддас Китоб (ЎЗМК), 2013 bible

Ҳикматлар 28

¹Фосиқни ҳеч ким қувмаса ҳам қочаверади, солиҳ эса шердай ботир.

²Юртда исён бўлганда бошлиқ кўпаяди, ақл–идрокли туфайли эса тинчлик бўлади.

³Ожизларни эзадиган камбағал овқат қолдирмайдиган селдайдир.

⁴Қонунни тан олмайдиганлар фосиқларни мақтайди, қонунга амал қиладиганлар эса улар билан курашади.

⁵Фосиқ адолатни тушунмайди, Эгамизга интилган эса ҳамма нарсани тушунади.

⁶Камбағал бўлиб тўғри юриш, бой бўлиб эгри юргандан яхшироқ.

⁷Доно фарзанд [1] қонунга риоя қилади, ярамасга улфат бўлган эса отасини шарманда қилади.

⁸Судхўр ва очкўз қашшоқларга ачинадиганга бойлик йиққан бўлади.

⁹Қонундан юз ўгирганнинг ибодати ҳам жирканчлидир.

¹⁰Тўғри одамни ёмон йўлга бошлаган одам қазиган чуқурига ўзи тушади, покдил эса яхшилик топади.

¹¹Бой ўзининг назарида доно, ақлли камбағал эса ўзини текширади.

¹²Солиҳ мартабага эришганда катта байрам, фосиқ лавозимга келса одамлар яширинади.

¹³Ўз гуноҳларини яширган ютуққа эришмайди, уларни тан олиб, воз кечган марҳамат топади.

¹⁴Доим Худодан қўрққан [2] бахтлидир! Бағри тош одам эса балога учрайди.

¹⁵Ожиз халқ устидаги ёвуз ҳукмдор ириллаётган шер ва ҳужум қилаётган айиқдайдир.

¹⁶Ақлсиз ҳукмдор жуда золим, адолатсиз фойдадан нафратланадиган узоқ яшайди.

¹⁷Агар биров одам ўлдирган бўлса, ўлгунча қочиб юрсин, унга ҳеч ким ёрдам бермасин.

¹⁸Тўғри юрадиган нажот топади, эгри йўлдан юрадиган эса йиқилади.

¹⁹Ўз ерига ишлов берганнинг нони мўл бўлади, орзу–хаёлларга берилган эса қашшоқликка учрайди.

²⁰Содиқ баракали бўлади, бойишга шошилган жазосиз қолмайди.

²¹Тарафкашлик яхши эмас, бир тўғрам нон деб одам вафосизлик қилади.

²²Хасис одам бойлик орқасидан қувиб, бошига қашшоқлик келишини билмайди.

²³Танқид қиладиган одам хушомадгўйга қараганда кўпроқ марҳамат топади.

²⁴Ота–онасининг мулкини ўғирлаб, “Бу гуноҳ эмас” деган одам бузғунчига шерикдир.

²⁵Очкўз жанжал чиқаради, Эгамизга ишонган эса тўқ яшайди.

²⁶Ўзигагина ишонган аҳмоқдир, ақл билан юрадиган эса нажот топади.

²⁷Камбағалга берган одам кам бўлмайди, кўриб кўрмасликка олган эса кўп лаънатга учрайди.

²⁸Фосиқлар мартабага эришса одамлар яширинади, ҳалокатга йўлиққанда эса солиҳлар кўпаяди.