Read Ўзбек тилидаги Муқаддас Китоб (ЎЗМК), 2013 Хўшея 8 Bible Online

Хўшея 8 - Ўзбек тилидаги Муқаддас Китоб (ЎЗМК), 2013 bible

Хўшея 8

¹Эгамиз шундай дейди: “Қани бўлинг, бонг уринг! Душман калхатдай уйимга ёпирилмоқда. Ахир, халқим аҳдимни барбод қилди, Улар қонунимни бузди.

²Исроил халқи Менга фарёд қилади: ‘Эй Худойим, Сени тан оламиз’, деб айтади.

³Ўзлари эса эзгуликни рад этишди, Душманлар уларни таъқиб қилади.

⁴Улар розилигимни сўрамай шоҳлар танлашди, Ижозатимни олмай, мулозимлар тайинлашди. Олтину кумушларидан бутлар ясашди, Шу орқали бошларига ҳалокат келтиришди.

⁵Самарияликларнинг бузоқсимон бутини Мен рад этдим! Улара қарши аланга олгандир Менинг ғазабим. Қачон ўзини поклаб олади?

⁶Бутни Исроиллик ҳунарманд ясаган–ку, Бут Худо эмас! Самария шаҳрининг бузоғи парчаланиб ташланади.

⁷Шамолни эккан одам бўронни ўриб олар. Буғдой бошоқсиз бўлса, халқ нонга зор бўлар. Буғдойингиз бошоқ тугган тақдирда ҳам, Уни бегоналар еб адо қилар.

⁸Бошқа халқлар орасида Исроил адо бўлди, Қадрсиз сопол идишга у ўхшаб қолди.

⁹Ёлғиз дайдиган қулондай у, Оссурияга ёрдам сўраб борди. Эфрайим ўзини ўйнашларига сотди.

¹⁰У бошқа халқларга сотилган бўлса ҳам, Мен уни йиғиб оламан. Оссурия шоҳининг зулми остида У тезда хазон бўлади.

¹¹Эфрайим гуноҳларини ювмоқчи бўлди, Қурбонгоҳлар қуриб ташлади. Қурбонгоҳлар эса гуноҳ макони бўлиб қолди.

¹²Мен бу халққа кўплаб қонунлар ёздим, Бироқ қонунларимни улар ёт деб билади.

¹³Улар Менга, Эгасига аъло қурбонликлар келтиришса ҳам, Қурбонлик гўштидан тановул қилишса ҳам, Мен улардан мамнун бўлмайман. Мен жиноятларини эсга оламан, Гуноҳлари учун жазосини бераман. Улар Мисрга қайтиб кетади.

¹⁴Исроил ўз Яратувчисини унутиб, саройлар қурди. Яҳудо кўплаб шаҳарларни мустаҳкам қилди. Мен эса шаҳарларига ўт қўяман, Қалъаларини оловга ем қиламан.”