Read Uzbek Muqaddas Kitob Ibtido 28 Bible Online

Ibtido 28 - Uzbek Muqaddas Kitob bible

Ibtido 28

¹Shunday qilib, Is’hoq Yoqubni chaqirtirib, uni duo qildi va shunday maslahat berdi: — Kan’onlik qizlarga uylanma.

²Hoziroq Paddon — Oramga[201] — bobong Batuvalning xonadoniga joʻna. U yerda togʻang Lobonning qizlaridan birortasiga uylan.

³Qodir Xudo baraka berib, seni koʻpaytirsin. Sening naslingdan koʻp xalqlar kelib chiqsin.

⁴Xudo Ibrohimga va’da qilgan barakasini senga va sening naslingga ato qilsin. Biz hozir musofir boʻlib yashayotgan, Xudo Ibrohimga bergan shu yurt sening mulking boʻlsin.

⁵Shunday qilib, Is’hoq Yoqubni joʻnatdi. Yoqub Paddon — Oramga — Oramlik[202] Batuvalning oʻgʻli, togʻasi Lobonnikiga ketdi.

⁶Esov eshitdiki, otasi Yoqubni duo qilib, uni Paddon — Oramga joʻnatibdi. Yoqub ota — onasining gaplariga itoat etib, Paddon — Oramga ketibdi. Otasi Yoqubga: “Oʻsha yerdan uylangin”, debdi, “Kan’onlik qizlarga uylanma”, deb ogohlantiribdi.

⁸Kan’onlik xotinlari otasiga yoqmasligini Esov tushunib yetdi.

⁹Esov amakisi Ismoilning xonadoniga bordi va xotinlari ustiga, Ibrohim oʻgʻli Ismoilning qizlaridan biriga uylandi. Yangi xotinining ismi Maxalat edi. Maxalatning Navayot[203] degan akasi ham bor edi.

¹⁰Yoqub Bersheba shahridan chiqib, Xoron[204] tomonga qarab ketdi.

¹¹U bir joyga yetib kelganda, kun botgan edi. Shuning uchun oʻsha yerda tunashga toʻxtadi. U bir tosh topdi — da, toshni boshining ostiga qoʻyib uxlagani yotdi.

¹²Bir payt u tushida bir zinapoyani[205] koʻrdi. Zinapoyaning pasti yerga, tepasi esa osmonga tegib turganmish. Xudoning farishtalari zinapoyadan chiqib, tushayotgan emishlar.

¹³Zinapoyaning yonida[206] Egamiz turgan emish. Egamiz Yoqubga shunday debdi: — Men bobong Ibrohimning, otang Is’hoqning Xudosi — Egangman. Hozir sen yotgan yer oʻzingniki boʻladi. Bu yerni senga va sening naslingga beraman.

¹⁴Sening nasling yerning qumi singari son — sanoqsiz boʻladi. Ular gʻarbu sharqqa, shimolu janubga qarab yer yuziga yoyilib ketadilar. Yer yuzidagi hamma xalqlar sen va sening nasling orqali baraka topadi.

¹⁵Shuni bilginki, Men sen bilan birgaman, qayerga bormagin, Men seni saqlayman. Shu yurtga seni yana qaytarib olib kelaman. Men seni hech qachon tark etmayman, bergan va’dalarimni oxirigacha bajaraman.

¹⁶Yoqub uygʻonib ketdi va: “Haqiqatan ham Egamiz shu yerda ekan, men esa buni bilmabman”, dedi.

¹⁷U qoʻrqib ketdi: “Bu joy Xudoning uyi ekan, samoga ochiladigan darvozaning oʻzi! Naqadar qoʻrqinchli — ya bu joy!” dedi.

¹⁸Yoqub saharda turdi. Boshining ostiga qoʻygan toshni olib, yodgorlik qilib oʻrnatdi. Keyin yodgorlik toshining ustidan Xudoga atab zaytun moyi quydi.

¹⁹Ilgari bu joyning nomi Luz edi. Yoqub esa bu joyga Baytil[207] deb nom berdi.

²⁰Soʻng Yoqub quyidagicha qasam ichdi: “Agar Xudo men bilan birga boʻlsa, boradigan shu yoʻlimda meni asrasa, menga rizq — roʻzimni va kiyim bersa,

²¹otamning xonadoniga eson — omon qaytarib olib kelsa, Egam mening Xudoyim boʻladi.

²²Men yodgorlik qilib oʻrnatgan shu tosh Xudoga sajda qiladigan joy boʻladi. Xudo menga bergan hamma narsaning oʻndan birini ushr qilib albatta beraman.”