Read Uzbek Muqaddas Kitob Ibtido 5 Bible Online

Ibtido 5 - Uzbek Muqaddas Kitob bible

Ibtido 5

¹Odam Atoning nasl — nasabi tarixi quyidagichadir: Xudo inson zotini yaratganda, ularni Oʻziga oʻxshagan qilib yaratgan edi.

²Xudo insonlarni erkak va ayol qilib yaratdi. Xudo ularni yaratgandan keyin Inson deb nom qoʻyib, ularga baraka berdi.

³Odam Ato 130 yoshida oʻgʻil koʻrgan edi[25]. Oʻgʻli otasining suratiday boʻlib, unga oʻxshagan edi. Odam Ato oʻgʻliga Shis deb ism qoʻygan edi.

⁴Shis tugʻilgandan keyin, Odam Ato 800 yil yashab, yana oʻgʻil — qizlar koʻrdi.

⁵Odam Ato 930 yoshida olamdan oʻtdi.

⁶Shis 105 yoshida oʻgʻli Enoʻshni koʻrgan edi[26].

⁷Enoʻsh tugʻilgandan keyin, Shis 807 yil yashab, yana oʻgʻil — qizlar koʻrdi.

⁸Shis 912 yoshida olamdan oʻtdi.

⁹Enoʻsh 90 yoshida oʻgʻli Xenanni koʻrdi.

¹⁰Xenan tugʻilgandan keyin, Enoʻsh 815 yil yashab, yana oʻgʻil — qizlar koʻrdi.

¹¹Enoʻsh 905 yoshida olamdan oʻtdi.

¹²Xenan 70 yoshida oʻgʻli Maxaliyolni koʻrdi.

¹³Maxaliyol tugʻilgandan keyin, Xenan 840 yil yashab, yana oʻgʻil — qizlar koʻrdi.

¹⁴Xenan 910 yoshida olamdan oʻtdi.

¹⁵Maxaliyol 65 yoshida oʻgʻli Yoredni koʻrdi.

¹⁶Yored tugʻilgandan keyin, Maxaliyol 830 yil yashab, yana oʻgʻil — qizlar koʻrdi.

¹⁷Maxaliyol 895 yoshida olamdan oʻtdi.

¹⁸Yored 162 yoshida oʻgʻli Xanoʻxni[27] koʻrdi.

¹⁹Xanoʻx tugʻilgandan keyin, Yored 800 yil yashab, yana oʻgʻil — qizlar koʻrdi.

²⁰Yored 962 yoshida olamdan oʻtdi.

²¹Xanoʻx 65 yoshida oʻgʻli Matushalohni koʻrdi.

²²Matushaloh tugʻilgandan keyin, Xanoʻx 300 yil yashab, yana oʻgʻil — qizlar koʻrdi. U umr boʻyi Xudoga hamroh boʻlib yashadi.

²³Xanoʻx 365 yil umr koʻrdi.

²⁴U butun umri davomida Xudoga hamroh boʻlib yashab, oxiri, gʻoyib boʻlib qoldi, chunki Xudo uni olib ketgan edi.

²⁵Matushaloh 187 yoshida oʻgʻli Lamakni koʻrdi.

²⁶Lamak tugʻilgandan keyin, Matushaloh 782 yil yashab, yana oʻgʻil — qizlar koʻrdi.

²⁷Matushaloh 969 yoshida olamdan oʻtdi.

²⁸Lamak 182 yoshida bir oʻgʻil koʻrdi.

²⁹Lamak: “Egamiz bu yerni la’natlagan, endi yerga ishlov berganimizda, ogʻir ishlarimizni shu bola yengillashtirsin”, deb oʻgʻlining otini Nuh[28] qoʻydi.

³⁰Nuh tugʻilgandan keyin, Lamak 595 yil yashab, yana oʻgʻil — qizlar koʻrdi.

³¹Lamak 777 yoshida olamdan oʻtdi.

³²Nuh 500 yoshdan oʻtgandan keyin Som, Xom va Yofas degan oʻgʻillarini koʻrdi.