Read Uzbek Muqaddas Kitob 2 Shohlar 4 Bible Online

2 Shohlar 4 - Uzbek Muqaddas Kitob bible

2 Shohlar 4

¹Ishbosit Abnurning Xevronda oʻldirilganini eshitdi — yu, boʻshashib qoldi. Butun Isroil xalqi vahimaga tushdi.

²Ishbositning xizmatida Banax va Raxav degan ikkita odam bor edi, ular bosqinchi toʻdalar sardori edilar. Oʻzlari Baroʻt shahridan boʻlib, Benyamin qabilasidan Rimmon deganning oʻgʻillari edi. Baroʻt shahri u vaqtda Benyamin hududiga kirardi.

³Baroʻt aholisi Gitayim shahriga qochib ketgan edi. Oʻshandan buyon ular kelgindi boʻlib oʻsha yerda yashaydilar.

⁴Shoulning naslidan Mefibosit degan ikkala oyogʻi ham nogiron bola bor edi. U Yoʻnatanning oʻgʻli edi. “Shoul bilan Yoʻnatan halok boʻldi”, deb Yizril shahridan xabar kelganda, Mefibosit besh yoshda edi. Enagasi, bolani olib qochaman deb, shosha — pisha ketayotganda, bolani qoʻlidan tushirib yuborgan, bola esa nogiron boʻlib qolgan edi.

⁵Bir kuni Raxav bilan Banax kun rosa qizigan paytda Ishbositning uyiga kelishdi. Tush payti, Ishbosit oʻzining xonasida uxlayotgan ekan.

⁶Ikkala aka — uka bugʻdoy olish bahonasida uyga kirishdi. Uyga kirganlari zahoti, Ishbositning qorniga xanjar urib, uni oʻldirdilar. Soʻng uning boshini kesib olib ketdilar. Raxav bilan Banax tun boʻyi Iordan vodiysi[28] boʻylab yurishdi.

⁸Ular Ishbositning boshini Xevronga — shoh Dovudga olib kelishib, unga shunday deyishdi: — Mana sizni oʻldirmoqchi boʻlgan gʻanimingiz Shoulning oʻgʻli Ishbositning boshi! Egamiz bugun Shouldan va uning xonadonidan shoh janoblari uchun oʻch oldi.

⁹Biroq Dovud Raxav bilan ukasi Banaxga shunday dedi: — Jonimni har turli balo — qazolardan asragan Xudo shohid!

¹⁰Shoulning oʻlimini bittasi oʻzicha xushxabar deb olib kelgan edi. Oʻsha odamni ushlab, Zixlaxda oʻldirtirgan edim. Uning mukofoti shu boʻlgan edi!

¹¹Aybsiz odamni oʻzining uyida, toʻshagida oʻldirgan yovuz kimsalar ham albatta oʻldiriladi! Hoziroq sizlardan uning xunini talab qilaman, sizlarni quritib yuboraman!

¹²Dovud yigitlariga farmon bergan edi, ular ikkala aka — ukani oʻldirishdi. Soʻng qoʻl — oyoqlarini kesib tashlab, jasadlarini Xevrondagi hovuz boʻyidagi tik oʻrnatilgan xodalarning uchlariga qoqishdi. Ishbositning boshini Abnurning Xevrondagi xilxonasiga olib borib dafn qilishdi.