Read Uzbek Muqaddas Kitob 4 Shohlar 10 Bible Online

4 Shohlar 10 - Uzbek Muqaddas Kitob bible

4 Shohlar 10

¹Axabning Samariya shahrida yetmishta oʻgʻli bor edi. Yohu Samariyadagi oqsoqollarga va Axab oʻgʻillarining murabbiylariga hamda Yizril beklariga shu mazmunda maktub yozib yubordi:

²“Shohingizning oʻgʻillari sizlar bilan birga turibdilar, jang aravalaringiz, otlaringiz va qurol — yarogʻlaringiz ham bor, oʻzlaringiz mustahkam shaharda yashaysizlar. Ushbu maktub sizlarga yetib borishi bilanoq,

³hukmdoringiz oʻgʻillaridan eng munosibini tanlab olib, otasining oʻrniga taxtga oʻtqazinglar va hukmdoringizning xonadonini himoya qilish uchun men bilan jang qilishga tayyorlaninglar.”

⁴Ammo Samariyadagilar juda qoʻrqib ketdilar: — Yohuga ikkita shoh bardosh berolmadi — yu, biz qanday qilib bardosh berardik?! — deyishdi ular.

⁵Shundan keyin bosh vazir, shahar hokimi, oqsoqollar, Axab oʻgʻillarining murabbiylari Yohuga shunday xabar berishdi: “Biz hech kimni shoh qilmaymiz. Biz sizning qullaringizmiz, nima buyursangiz, shuni ijro qilarmiz, sizga nima ma’qul boʻlsa, shuni qiling.”

⁶Yohu esa ularga ikkinchi marta shu mazmunda maktub yozdi: “Agar sizlar men tarafda boʻlib, menga itoat etishga tayyor boʻlsangizlar, hukmdoringiz oʻgʻillarining boshlarini olib, ertaga shu paytda Yizrilga, mening huzurimga keltiringlar.” Shohning yetmishta oʻgʻli boʻlib, ularni shaharning eng aslzodalari tarbiya qilayotgan edilar.

⁷Maktub aslzodalarning qoʻliga tekkach, ular shoh oʻgʻillarini ushlab, hammalarini — yetmish kishini boʻgʻizladilar, ularning boshlarini savatga solib, Yizrilga, Yohuning huzuriga joʻnatdilar.

⁸Xabarchi Yohuga: “Ular shoh oʻgʻillarining boshlarini olib keldilar”, dedi. Yohu: “Kallalarni darvoza oldiga ikki toʻp qilib taxlanglar, ertalabgacha oʻsha yerda qolsin”, dedi.

⁹Ertasiga ertalab Yohu xalqning oldiga chiqib gapirdi: — Oʻz hukmdorimga qarshi men isyon koʻtarib, uni oʻldirdim. Sizlar aybdor emassizlar. Lekin mana bu odamlarni kim oʻldirdi?

¹⁰Shuni bilib qoʻyinglarki, Egamizning Axab xonadoni toʻgʻrisida aytgan bironta soʻzi ijrosiz qolmaydi. Egamiz Oʻz quli Ilyos orqali aytgan soʻzini bajo qildi[64].

¹¹Soʻngra Yohu Yizrilda Axab xonadonining qolgan — qutganini, uning hamma a’yonlarini, yaqinlarini, ruhoniylarini oʻldirdi. Shunday qilib, Axabning bironta ham odami tirik qolmadi.

¹²Shundan keyin Yohu Yizrildan Samariya tomon yoʻlga chiqdi. U yoʻlda choʻponlarga qarashli Bayt — Akad degan joyda

¹³Yahudo shohi Oxoziyoning qarindoshlari bilan uchrashib qoldi va ulardan: “Sizlar kimsizlar?” deb soʻradi. — Biz Oxoziyoning qarindoshlarimiz, — deyishdi ular. — Shohning oilasidan va malika Izabelning oʻgʻillaridan xabar olgani ketyapmiz.

¹⁴— Bularni tiriklayin ushlanglar! — deb buyurdi Yohu odamlariga. Ularni tiriklayin ushlab hammalarini — qirq ikkita odamni Bayt — Akad sardobasi yonida boʻgʻizladilar. Ulardan birortasini ham tirik qoldirmadilar.

¹⁵Yohu u yerdan joʻnab ketdi. Yoʻlda unga peshvoz chiqqan Yohunadav bilan uchrashib qoldi. Yohunadav Raxav degan odamning oʻgʻli edi. Yohu u bilan salomlashib: — Senga mening niyatim xolis, sening niyating ham xolismi? — deb soʻradi. — Shunday, — deb javob berdi Yohunadav. — Unday boʻlsa, qoʻlingni ber, — dedi Yohu. Yohunadav qoʻlini uzatdi. Yohu uni yoniga — aravasiga oldi.

¹⁶— Men bilan yur, men Egamiz uchun qanchalik jon kuydirishimni koʻrib qoʻy, — dedi Yohu unga. Soʻngra uni aravasida Samariyaga olib ketdi.

¹⁷Yohu Samariyaga yetib kelgach, Egamiz Ilyos orqali aytganiday, Axabning u yerdagi qolgan — qutgan qarindoshlarini bitta qoʻymay oʻldirdi.

¹⁸Yohu jamiki xalqni toʻplab, ularga aytdi: — Axab Baalga unchalik sigʻinmas edi, men esa Baalga chin dildan sigʻinaman.

¹⁹Endi mening oldimga Baalning hamma paygʻambarlarini chaqirib kelinglar, hech kim kelmay qolmasin, chunki men Baalga juda katta qurbonlik qilaman, kelmaganlar oʻldiriladi. Aslida Yohu Baalga sigʻinganlarni oʻldirish maqsadida bir hiyla oʻylayotgan edi.

²⁰— Baalga bagʻishlangan bayram yigʻini boʻlishini tayinlanglar, — dedi Yohu. Bu toʻgʻrida e’lon qildilar.

²¹Yohu butun Isroil boʻylab xabar joʻnatgan edi, Baalga sajda qiluvchilarning hammasi keldi, birontasi ham kelmay qolmadi. Hamma Baalning uyiga[65] kirdi. Baalning uyi liq toʻldi.

²²Yohu muqaddas liboslarni saqlovchi xizmatkorga: — Baalga sigʻinadiganlarning hammasiga liboslar keltir, — deb amr berdi. Xizmatkor har biriga libos keltirdi.

²³Shu payt Yohu Yohunadav bilan birga Baalning uyiga kirdi — da, sajda qiluvchilarga: — Atrofingizga yaxshilab qarang, — dedi. — Orangizda Egamizga xizmat qiladiganlardan hech kim boʻlmasin, bu yerda faqat Baalga sajda qiluvchilar boʻlsin.

²⁴Shundan keyin Yohu bilan Yohunadav kuydiriladigan va boshqa qurbonliklarni keltira boshladilar. Bundan oldin esa Yohu Baalning uyi atrofiga sakson kishini qoʻyib, ularga shunday amr bergan edi: “Qoʻlingizga mana bu odamlarni topshiryapman. Bulardan birortasi ham qochib qolmasin. Kim qochishiga yoʻl qoʻysa, boshi bilan javob beradi.”

²⁵Yohu qurbonliklarni kuydirib boʻlishi bilanoq qoʻriqchilarga va lashkarboshilarga: “Ichkariga kirib, hammani oʻldiringlar, birortasi ham qochib ketmasin!” — deb buyruq berdi. Qoʻriqchilar va lashkarboshilar hammasini qilich damidan oʻtkazib, jasadlarini tashqariga otdilar. Soʻngra Baalning uyidagi ichkari xonaga kirib,

²⁶u yerdagi butsimon ustunlarni tashqariga olib chiqib, yoqib yubordilar.

²⁷Baalga atalgan toshni[66] sindirdilar, uyini vayron qildilar. Xalq bu joyni hojatxonaga aylantirdi. Oʻsha joy bugungacha[67] hojatxona boʻlib qolgan.

²⁸Shunday qilib, Yohu Isroil yerida Baalga sajda qilishga barham berdi.

²⁹Biroq Yohu Isroil xalqini gunohga botirgan Nabat oʻgʻli Yeribom qilgan gunohlarga ergashdi, ya’ni Baytil va Dandagi oltin buzoqlarga sajda qilishdan[68] u qaytmadi.

³⁰Egamiz Yohuga: — Mening oldimda toʻgʻri ish qilib muvaffaqiyat qozonding, — dedi. — Axab xonadoniga qarshi Men nima istagan boʻlsam, hammasini qilding. Buning uchun sening nasling toʻrtinchi avlodigacha Isroil taxtida oʻtiradi.

³¹Ammo Yohu Isroil xalqining Xudosi — Egamizning qonunlariga butun qalbi bilan itoat qilmadi, Isroil xalqini gunohga botirgan Yeribom qilgan gunohlarga ergashdi.

³²Oʻsha paytda Egamiz Isroil yerlarini parchalab, kichraytira boshladi. Oram shohi Xazayil Iordan daryosining sharqida Gad, Ruben, Manashe qabilalari yashaydigan butun Gilad yerlarini, Arnon soyligidagi Aror shahridan Gilad va Bashan oʻlkalariga qadar boʻlgan jamiki Isroil yerlarini bosib oldi.

³⁴Yohuning boshqa ishlari, butun faoliyati va qahramonliklari haqida “Isroil shohlari tarixi” kitobida yozilgan.

³⁵Yohu olamdan oʻtdi. U Samariyada ota — bobolari yoniga dafn qilindi. Uning oʻrniga oʻgʻli Yohuxoz shoh boʻldi.

³⁶Yohu Samariyada yigirma sakkiz yil Isroilga hukmronlik qildi.