Read Uzbek Muqaddas Kitob 4 Shohlar 9 Bible Online

4 Shohlar 9 - Uzbek Muqaddas Kitob bible

4 Shohlar 9

¹Elishay paygʻambarlar guruhidan bittasini chaqirib, unga dedi: — Qani, boʻl, qoʻlingga anavi moy solingan idishni ol, Giladdagi Ramoʻtga bor.

²U yerga borganingdan keyin, Yohuni qidirib top. Nimshi deganning nabirasi Yohu Yahoshafat degan odamning oʻgʻlidir. Uni oʻrtoqlari orasidan chaqirib chiqib, boshqa xonaga olib kir.

³Soʻngra moy solingan idishni ol. Yohuning boshiga moyni surtgin — da, shunday degin: “Egamiz shunday aytmoqda: senga moy surtib, Isroil ustidan shoh qilib tanladim.” Keyin eshikni ochgin — u, kutmasdan qoch.

⁴Yosh paygʻambar Giladdagi Ramoʻtga ketdi.

⁵Oʻsha joyga yetib kelganda, lashkarboshilar suhbatlashib oʻtirgan edi. — Senda gapim bor, lashkarboshi, — dedi u. — Qaysi birimizda gaping bor? — deb soʻradi Yohu. — Senda, lashkarboshi, — dedi u Yohuga.

⁶Yohu oʻrnidan turib, boshqa xonaga kirdi. Yosh paygʻambar uning boshiga moyni surtgach, dedi: — Isroil xalqining Xudosi — Egamiz shunday aytmoqda: “Senga moy surtib, Oʻzimning xalqim Isroil ustidan shoh qilib tayinladim.

⁷Sen hukmdoring Axabning xonadonini qirib tashlaysan, toki paygʻambar qullarim va boshqa hamma qullarimning toʻkilgan qonlari uchun Men Izabeldan oʻch olay.

⁸Axabning butun xonadoni yoʻq boʻladi. Isroilda Axabning urugʻidan har bir erkak zotini, xoh qul boʻlsin, xoh ozod boʻlsin, qirib tashlayman.

⁹Axab xonadonini Nabat oʻgʻli Yeribomning xonadoni va Oxiyo oʻgʻli Bashoning xonadoni koʻyiga solaman.

¹⁰Izabel esa Yizril yerlarida itlarga yem boʻladi, uni dafn qiladigan hech kimsa boʻlmaydi.” U shunday deb eshikni ochdi — yu, qochdi.

¹¹Yohu lashkarboshi doʻstlari oldiga qaytdi. — Tinchlikmi? Anavi telba sening oldingga nima uchun kelibdi? — deb soʻrashdi doʻstlari undan. — E, bunaqa odamlarni bilasizlar — ku, valdirayveradilar — da, ular, — dedi Yohu doʻstlariga.

¹²— Ey yolgʻonchi! Qani, bizga ham ayt — chi, — deyishdi ular. Yohu doʻstlariga: “Egamiz menga moy surtib Isroil ustidan shoh qilib tayinlabdi”, deb paygʻambarning gaplarini aytib berdi.

¹³Hammalari shoshilib qolishdi. Har kim liboslarini yechib, Yohu turgan zinapoyaga toʻshadilar va burgʻu chalib: “Yohu shoh boʻldi!” deb jar soldilar.

¹⁴Yohu Yoramga qarshi fitna uyushtirdi. Bu paytda butun Isroil lashkari shoh Yoram boshchiligida Giladdagi Ramoʻt shahrini Oram shohi Xazayildan himoya qilayotgan edi.

¹⁵Yoram[57] Xazayil bilan jang qilganda, Oram lashkari uni yaralagan, Yoram esa yaralarini davolatish uchun Yizrilga qaytgan edi[58]. Yohu doʻstlariga: — Agar sizlar men tomonda boʻlsangizlar, shahardan biror kimsa chiqib ketishiga va Yizrilga xabar olib borishiga yoʻl qoʻymanglar, — dedi.

¹⁶Yohu otiga minib, Yizril shahriga yoʻl oldi, chunki Yoram kasal boʻlib, u yerda yotgan edi. Yahudo shohi Oxoziyo ham Yoramni koʻrgani kelgan edi.

¹⁷Yizril minorasi ustida qorovul turardi. Yohuning odamlari yaqinlashib kelardi. Qorovul ularni koʻrib qolib: “Bir talay odamni koʻryapman”, dedi. Yoram qorovulga aytdi: — Birorta otliqni yubor, odamlarni kutib olib: “Tinchlik bilan kelyapsizlarmi?” deb soʻrasin.

¹⁸Suvori Yohuga peshvoz chiqib dedi: — Shoh: “Tinchlik bilan kelyapsizlarmi?” deb soʻrayapti. — Tinchlikdan senga nima?! Orqamdan yur, — dedi Yohu. Qorovul esa: “Otliq ularning oldiga yetib bordi — yu, lekin qaytib kelmayapti”, deb xabar berdi.

¹⁹Endi boshqa bir otliqni yuborishdi, bunisi ham ularning oldiga kelib: — Shohimiz: “Tinchlik bilan kelyapsizlarmi?” deb soʻrayapti, — dedi. — Tinchlikdan senga nima?! Orqamdan yur, — dedi Yohu.

²⁰Qorovul: “Otliq ularning oldiga yetib bordi — yu, qaytib kelmadi, oʻpkasi ogʻziga tiqilganday hovliqib ot choptirib kelishidan Yohuga oʻxshaydi”, deb xabar yetkazdi.

²¹— Aravani qoʻsh! — deb buyurdi Yoram. Shohning jang aravasini qoʻshdilar. Isroil shohi Yoram va Yahudo shohi Oxoziyo oʻz aravalariga minib, Yohuni kutib olgani chiqdilar. Ular Yohuni Yizrillik Navoʻtning dalasida[59] kutib oldilar.

²²Yoram Yohuni koʻrgach, unga: — Tinchlik bilan keldingmi, Yohu? — deb soʻradi. — Onang Izabel boshlagan zinoyu sehr — jodu bizda hanuzgacha davom etib kelar ekan, qanaqasiga tinchlik boʻlsin?! — dedi Yohu.

²³Yoram Oxoziyoga: “Qochdik, Oxoziyo! Xoinlik bu!” dedi — yu, ot tizginini burib, qochib qoldi.

²⁴Yohu kamonni kuchi boricha tortib, Yoramning ikkala kuragi oʻrtasini moʻljallab otdi. Oʻq Yoramning qoq yuragini teshib oʻtdi. Yoram aravasi ichiga yiqildi.

²⁵Yohu xizmatkori Bidkarga dedi: — Uning jasadini Yizrillik Navoʻtning dalasiga olib borib tashla, shuni yodingdan chiqarmaginki, biz, ikkovimiz, Yoramning otasi Axabning ortidan jang aravasida borganimizda, Axabga qarshi Egamiz shuni ayon qilgan edi:

²⁶“Kecha Navoʻt bilan uning oʻgʻillari qonini koʻrdim. Sendan oʻsha dalada qasos olaman.” Endi Egamizning aytganiga koʻra, Yoramning jasadini olib, Navoʻtning dalasiga olib borib tashla.

²⁷Yahudo shohi Oxoziyo bu hodisani koʻrib, Bayt — Xagon shahriga qarab qochdi[60]. Yohu uning ortidan quvib ketayotganda: — Uni ham oʻldiringlar! — deb baqirdi. Yiblayom shahri yonidagi Gur tepaligida aravasida turgan Oxoziyoni otdilar. Oxoziyo Magidoʻ shahriga qochib borib, oʻsha yerda jon berdi.

²⁸A’yonlari uning jasadini aravada Quddusga olib keldilar va Dovud qal’asida, ota — bobolari xilxonasiga dafn qildilar.

²⁹Axab oʻgʻli Yoram hukmronligining oʻn birinchi yilida Oxoziyo Yahudo shohi boʻlgan edi.

³⁰Yohu Yizrilga bordi. Izabel esa bu xabarni eshitib koʻzlariga surma surtib, sochlarini tarab, derazadan qarab turgan edi.

³¹Yohu shahar darvozasidan kirgach, Izabel: — Ha, senmisan, hukmdorini oʻldirgan Zimridan[61] qolishadigan joying yoʻq! Tinchlik bilan keldingmi? — dedi.

³²Yohu koʻzlarini derazaga qadab: — Kim men tomonda? Kim? — deb baqirdi. Tepada haram ogʻalaridan ikki — uchtasi paydo boʻldi.

³³— Uni pastga uloqtiringlar! — deb buyurdi Yohu. Ular Izabelni ushlab pastga uloqtirdilar. Uning qoni devorga, otlarga sachradi, Yohuning oti jasadni ezgʻilab tashladi.

³⁴Shundan keyin Yohu kelib, yeb — ichdi. Soʻngra: — Anavi la’natini topib, koʻminglar, — dedi, — nima boʻlganda ham, shoh qizi — da[62].

³⁵Lekin Izabelning jasadini dafn qilishga borgan odamlar, uning bosh suyagi, oyogʻi va qoʻl panjasidan boshqa biror a’zosini topa olmadilar.

³⁶Hammalari qaytib kelib, Yohuni ahvoldan xabardor qildilar. Yohu ularga shunday dedi: — Egamizning Oʻz quli Ilyos orqali aytgan bu soʻzlari bajo boʻldi[63]: “Izabelning jasadi Yizril yerlarida koʻppaklarga yem boʻlar,

³⁷Uning jasadi Yizril dalalaridagi goʻngga oʻxshab qolar, Shuning uchun hech kim, bu Izabeldir, deb aytmas.”