Read Uzbek Muqaddas Kitob 1 Solnomalar 11 Bible Online

1 Solnomalar 11 - Uzbek Muqaddas Kitob bible

1 Solnomalar 11

¹Jamiki Isroil xalqi Xevronga[115] — Dovudning huzuriga yigʻilib shunday dedi: — Biz sizning jigaringizmiz.

²Ilgari Shoul shoh boʻlganda ham, urushlarda Isroil lashkariga oʻzingiz bosh boʻlar edingiz. Egangiz Xudo sizga: “Sen xalqim Isroilning choʻponi boʻlib, ularni boqasan, xalqim Isroilga sen rahnamolik qilasan”, deb aytgan edi.

³Shunday qilib, Dovud Xevronda Isroil oqsoqollari bilan Egamiz oldida ahd qildi. Isroil oqsoqollari, Egamizning Shomuil orqali bergan soʻziga muvofiq, Dovudning boshiga moy surtib, uni Isroil ustidan shoh qilib koʻtarishdi.

⁴Shoh Dovud bilan hamma Isroil sipohlari Quddusga yurish qildilar. Oʻsha davrda Quddus shahri Yobus deb atalgan boʻlib, u yerning oʻtroq xalqi Yobus xalqi deb atalar edi.

⁵Yobus aholisi Dovudga: “Sen bu yerga kira olmaysan”, dedi. Ammo Dovud Sion qal’asiga[116] bostirib kirib, qal’ani egalladi. Keyinchalik bu qal’aga “Dovud qal’asi” deb nom berildi.

⁶Dovud: “Kimki Yobuslarga birinchi boʻlib hujum qilsa, u lashkarboshi boʻladi”, deb aytgan edi. Zeruya oʻgʻli Yoʻab birinchi boʻlib hujum qildi va lashkarboshi boʻldi.

⁷Dovud qal’ada yashay boshladi. Shuning uchun bu joy “Dovud qal’asi” deb nom oldi.

⁸Dovud Quddusning sharq tomonidagi Millodan[117] boshlab, butun shahar atrofini devor bilan oʻrab mustahkamladi. Yoʻab esa shaharning qolgan joylarini tuzatdi.

⁹Dovud tobora kuchayib borardi, chunki Sarvari Olam unga yor edi.

¹⁰Quyida shoh Dovudning bahodir jangchilari roʻyxati berilgan. Ular qolgan Isroil xalqi bilan birgalikda Egamizning va’dasiga muvofiq, Dovudni shoh deb e’lon qilganlar hamda uning shohligi uchun kuchli tayanch boʻlganlar.

¹¹Dovudga xizmat qilgan bahodir jangchilar quyidagilar: birinchisi — Xaxmoʻn urugʻidan Yoshuvam. U “Uch[118] qahramon”ning[119] sardori edi. U nayzasi bilan uch yuz kishiga hujum qilib, hammasini bir jangda oʻldirgan edi.

¹²“Uch qahramon”dan ikkinchisi Oxoʻva urugʻidan Doʻdoʻ oʻgʻli Elazar edi.

¹³Filistlar jang qilish uchun Pas — Dammimda toʻplanganda, Elazar Dovud bilan birga edi. U yerdagi dalaning bir qismiga arpa ekilgan edi. Isroil lashkari qocha boshlagach,

¹⁴Elazar bilan Dovud dalaning oʻrtasida turib olib, u yerni himoya qilishdi. Filistlarni qirib tashlashdi. Shu tariqa, Egamiz ularni katta gʻalabaga erishtirdi.

¹⁵“Oʻttiz qahramon”[120] guruhi tarkibiga kirgan oʻsha uchta qahramon[121] Dovudning yoniga — Adullam gʻori oldidagi qoyaga ketishdi[122]. Rafa vodiysida[123] Filistlar lashkari qarorgoh qurgan edi.

¹⁶Bu paytda Dovud oʻzining adirdagi qarorgohida edi. Bitta Filist qoʻnolgʻasi esa Baytlahmda joylashgan edi.

¹⁷Dovud hasrat bilan: — Qaniydi birortasi Baytlahm darvozasining yonidagi quduqdan menga suv olib kelib bersa! — dedi.

¹⁸Oʻsha uchta qahramon Filistlar qarorgohini yorib oʻtishdi — da, Baytlahmdagi darvozaning yonidagi quduqdan suv tortib, Dovudga olib kelishdi. Lekin Dovud suvni ichmay, yerga toʻkib, Egamizga bagʻishladi.

¹⁹— Bunday qilishdan meni Xudoyimning Oʻzi asrasin! — deb xitob qildi u. — Shu yigitlarning qonini ichaymi? Axir, ular jonini xavf — xatarga qoʻyib, suv olib kelishdi — ku! Shuning uchun ham Dovud suvni ichishni istamadi. “Uch qahramon” ana shunday jasurlik koʻrsatishgan edi.

²⁰Yoʻabning akasi Abushay “Oʻttiz[124] qahramon”ning sardori edi. Abushay nayzasi bilan uch yuz kishini oʻldirdi. Shu tariqa u “Uch qahramon” singari dong taratdi.

²¹U “Oʻttiz qahramon”dan ham mashhur edi, ularning yoʻlboshchisi boʻldi. Lekin “Uch qahramon”dan biri hisoblanmasdi.

²²Kabzil shahridan Yohayido oʻgʻli Binayo degan jasur bir jangchi bor edi. U ajoyib ishlar qildi, Moʻablik ikki dovyurak odamni[125] oʻldirdi. Qor yoqqan kunda bir xandaqqa tushib, sherni oʻldirdi.

²³Yana boʻyi besh tirsak[126] keladigan devday bir Misrlikni ham oʻldirdi. Misrlikning qoʻlidagi nayzasi toʻquvchining dastgohi xodasiday kelardi. Binayo uning ustiga tayoq bilan bostirib bordi. Nayzani Misrlikning qoʻlidan tortib oldi — da, oʻsha nayza bilan uni oʻldirdi.

²⁴Binayoning qilgan ishlari ana shulardir. Shu tariqa, Binayo “Uch qahramon” kabi dong taratdi.

²⁵U “Oʻttiz qahramon” orasida shuhrat topdi, lekin “Uch qahramon”dan biri hisoblanmasdi. Dovud uni qoʻriqchilar sardori qilib tayinladi.

²⁶Boshqa bahodir jangchilar quyidagilardir: Yoʻabning ukasi Osoyil, Baytlahm shahridan Doʻdoʻ oʻgʻli Elxanon,

²⁷Xaroʻd shahridan Shammox[127], Palonlik Xalez,

²⁸Taxuva shahridan Ixesh oʻgʻli Ero, Onotoʻt shahridan Abuazar,

²⁹Xusha shahridan Sibaxay, Oxoʻva urugʻidan Zalmon[128],

³⁰Natufo shahridan Maxray va Banax oʻgʻli Xaled,

³¹Benyamin naslidan Givolik Ribay oʻgʻli Etxay, Piraton shahridan Binayo,

³²Gash soyliklaridan Xuray, Bayt — Araba shahridan Abualvon[129],

³³Boxurim[130] shahridan Ozmobit, Shalbim shahridan Eliyaxba,

³⁴Gizonlik Yoshon[131] oʻgʻillari, Xaror shahridan Shaxey oʻgʻli Yoʻnatan,

³⁵Xarorlik Shoror[132] oʻgʻli Oxiyom, Ur oʻgʻli Elifal,

³⁶Maxirotlik Xafer, Palonlik Oxiyo,

³⁷Karmil shahridan Xazro, Ezbay oʻgʻli Paray[133],

³⁸Natanning ukasi Yoʻel, Xagri oʻgʻli Mivxor,

³⁹Ommon xalqidan Zilax, Baroʻt shahridan Zeruya oʻgʻli Yoʻabning qurolbardori Naxray,

⁴⁰Yitar urugʻidan Ero va Goriv,

⁴¹Xet xalqidan Uriyo, Oxlay oʻgʻli Zabad,

⁴²Ruben qabilasining yoʻlboshchisi Shizo oʻgʻli Adinax va uning oʻttiz jangchisi,

⁴³Maxo oʻgʻli Xanon, Mitanlik Yoshafat,

⁴⁴Ashtarutlik Uzziya, Arorlik Xoʻtamning oʻgʻillari Shomo va Yaviyol,

⁴⁵Shimri oʻgʻli Yodiyol va uning ukasi Tizlik Yoʻxo,

⁴⁶Maxavlik Eliyol, Elnamning oʻgʻillari Yarivay va Yoʻshaviyo, Moʻab yurtidan Yitmo,

⁴⁷Eliyol, Obid va Zoʻvolik Yasiyol.