Read Uzbek Muqaddas Kitob 1 Solnomalar 14 Bible Online

1 Solnomalar 14 - Uzbek Muqaddas Kitob bible

1 Solnomalar 14

¹Tir[148] shohi Xiram Dovud huzuriga elchilar yubordi. Ular bilan Dovudga saroyining qurilishi uchun sadr yogʻochlarini joʻnatdi, tosh teruvchilar va duradgorlarni yoʻlladi.

²Dovud endi bildiki, Egamiz uni Isroil ustidan shoh qilib tayinlagan ekan, Oʻz xalqining haqi — hurmati uchun uning shohligini nihoyatda yuksaltirgan ekan.

³Dovud Quddusda yana xotinlar oldi, ular Dovudga yanada koʻp oʻgʻil — qizlar tugʻib berishdi.

⁴Dovudning Quddusda tugʻilgan farzandlari quyidagilar edi: Shammuva, Shoʻvav, Natan, Sulaymon,

⁵Yibxar, Elishuva, Elfalat,

⁶Noʻgax, Nafax, Yofiya,

⁷Elishama, Elyodax[149] va Elifalet.

⁸Filistlar: “Dovudga moy surtilibdi. U butun Isroil xalqi ustidan shoh boʻlibdi” degan xabarni eshitishdi. Shundan keyin barcha Filist lashkari Dovudni qidirib jangga otlandilar. Bundan xabar topgan Dovud ham oʻz lashkari bilan ularga qarshi jangga otlandi.

⁹Filistlar kelib, Rafa vodiysini[150] talon — taroj qila boshladilar.

¹⁰Dovud Xudodan: — Filistlarga hujum qilaymi? Ularni qoʻlimga berasanmi? — deb soʻradi[151]. — Hujum qil! — deb javob berdi Egamiz Dovudga. — Ularni qoʻlingga beraman.

¹¹Shunday qilib, Dovud Baal — Perazimga borib, u yerda Filistlarni tor — mor qildi. Keyin shunday dedi: — Suv toʻgʻondan toshib, dalani bosgani singari, Xudo gʻanimlarimni bosib, mening qoʻlim bilan ularni uloqtirib yubordi. Shu sababdan bu yerga “Baal — Perazim”[152] degan nom berildi.

¹²Filistlar oʻsha yerda xudolarining tasvirlarini tashlab qochgan edilar, Dovud ularni yondirib yuborishni buyurdi.

¹³Koʻp oʻtmay Filistlar vodiyga qaytib kelib, u yerlarni yana talon — taroj qila boshladilar.

¹⁴Dovud tagʻin Xudoning xohish — irodasini soʻradi. Xudo esa unga shunday javob berdi: — Sen ularning old tomonidan hujum qilma. Ularni aylanib oʻtgin — da, mumiyo daraxtlari tomondan yaqinlashib bor.

¹⁵Mumiyo daraxtlari tepasida Mening qadamim tovushlarini eshitganing zahoti ularga hujum qil. Oʻshanda Men Filist lashkarini yoʻq qilish uchun sening qarshingdan chiqqan boʻlaman.

¹⁶Dovud Xudo amr berganiday qilib, Givondan Gezer shahrigacha boʻlgan joylarda Filistlar lashkarini tor — mor qildi.

¹⁷Dovudning dongʻi hamma yurtlarga taraldi. Egamiz hamma xalqlarni undan qoʻrqadigan qilib qoʻydi.