Read Uzbek Muqaddas Kitob 1 Solnomalar 2 Bible Online

1 Solnomalar 2 - Uzbek Muqaddas Kitob bible

1 Solnomalar 2

¹Yoqubning[22] oʻgʻillari quyidagilardir: Ruben, Shimoʻn, Levi, Yahudo, Issaxor, Zabulun,

²Dan, Yusuf, Benyamin, Naftali, Gad va Osher.

³Yahudoning Gʻur, Oʻnan va Shelo degan oʻgʻillari bor edi. Bu uchala oʻgʻilni unga Kan’onlik Botshuva[23] tugʻib bergandi. Yahudoning toʻngʻich oʻgʻli Gʻur Egamizning oldida qabih ishlar qilgani uchun, Egamiz uning jonini oldi.

⁴Yahudoning kelini Tamara ham Yahudoga Paraz va Zerax degan oʻgʻillarni tugʻib berdi. Yahudoning hammasi boʻlib besh oʻgʻli bor edi.

⁵Parazdan Xazron va Xomul ismli ikki oʻgʻil tugʻildi.

⁶Zeraxning beshta oʻgʻli boʻlib, ularning ismlari Zimri, Etxan, Xaman, Qolkoʻl va Dardax[24] edi.

⁷Zerax avlodidan boʻlgan Karmi ismli bir odamning Oxun[25] degan oʻgʻli bor edi. Oxun Egamizga bagʻishlangan narsalarning bir nechtasini olib, Isroil xalqiga kulfat keltirgandi.

⁸Etxanning oʻgʻli Ozariyo edi.

⁹Xazronning uchta oʻgʻli boʻlib, ismlari Yaraxmal, Ram va Xolib[26] edi.

¹⁰Ramdan Ominadav tugʻildi, Ominadav Yahudo yoʻlboshchisi Naxshoʻnning otasi edi.

¹¹Naxshoʻndan Salmoʻn tugʻildi, Salmoʻndan Boʻaz tugʻildi,

¹²Boʻazdan Obid tugʻildi va Obiddan Essay tugʻildi.

¹³Essayning yetti oʻgʻli boʻlib, toʻngʻichi — Eliyob, ikkinchisi — Abunadav, uchinchisi — Shimo,

¹⁴toʻrtinchisi — Natanil, beshinchisi — Radday,

¹⁵oltinchisi — Ozim, yettinchisi Dovud edi[27].

¹⁶Ularning Zeruya va Obigayl degan singillari bor edi. Zeruyaning uchta oʻgʻli boʻlib, ularning ismlari Abushay, Yoʻab va Osoyil edi.

¹⁷Obigayl Ismoil qavmidan boʻlgan Eter bilan turmush qurib, Emosani tugʻdi.

¹⁸Xazron oʻgʻli Xolibning Oziba va Yariyoʻt degan xotinlari bor edi. Oziba Xolibga uch oʻgʻil: Yesher, Shoʻvav va Ardunni tugʻib berdi.

¹⁹Oziba olamdan oʻtgach, Xolib Efrataga uylandi. Efrata unga Xurni tugʻib berdi.

²⁰Xurdan Uri tugʻildi, Uridan Bazalil tugʻildi.

²¹Xazron oltmish yoshga kirganda Moxirning qizi — Giladning singlisiga uylandi. U Xazronga Saxuv ismli oʻgʻil tugʻib berdi.

²²Saxuvdan Yovir tugʻildi. U Giladdagi yigirma uchta shahar ustidan hukmronlik qilardi.

²³Keyinchalik Gashur va Oram xalqlari Yovir shaharlarini[28], shuningdek, Qanot shahri va atrofidagi oltmishta qishloqni qoʻlga kiritishdi. Bu yerlarda yashayotgan xalq Giladning otasi Moxirning urugʻidan edi.

²⁴Xazron vafot etgandan keyin, oʻgʻli Xolib otasining beva qolgan Efrata ismli xotiniga uylangan edi. Ular Ashxur ismli oʻgʻil koʻrdilar[29]. Ashxur Taxuva shahriga asos soldi[30].

²⁵Xazronning toʻngʻich oʻgʻli Yaraxmaldan bino boʻlgan oʻgʻillar quyidagilardir: toʻngʻich oʻgʻli Ram, soʻngra Bunax, Oren, Ozim va Oxiyodir.

²⁶Yaraxmalning Otara ismli boshqa xotini ham bor edi. Otara Oʻnamni tugʻdi.

²⁷Yaraxmalning toʻngʻich oʻgʻli Ramdan Maz, Yomin va Exer bino boʻldi.

²⁸Oʻnamning Shammay va Yodo degan oʻgʻillari bor edi. Shammay Nadov va Abushur ismli oʻgʻillar koʻrdi.

²⁹Abushurning Abuhayil degan xotini boʻlib, ular Axbon va Moʻlid degan oʻgʻillar koʻrdi.

³⁰Nadovdan Saled va Opayim degan oʻgʻillar bino boʻldi. Saled befarzand oʻtib ketdi.

³¹Opayim — Yishining otasi, Yishi — Shashonning otasi, Shashon Oxlayning[31] otasi edi.

³²Shammayning ukasi Yodoning Eter va Yoʻnatan ismli ikkita oʻgʻli bor edi. Eter befarzand oʻtib ketdi.

³³Yoʻnatanning Palaf va Zozo ismli ikkita oʻgʻli bor edi. Mana shularning hammasi Yaraxmalning nasli edi.

³⁴Shashonning oʻgʻli boʻlmay, faqat qizlari bor edi, xolos. Shashonning Yarxo ismli bir Misrlik quli ham bor edi.

³⁵Shashon qizini oʻzining quli Yarxoga uzatdi. Ular oʻgʻil koʻrishdi va ismini Attay qoʻyishdi.

³⁶Attaydan Natan tugʻildi, Natandan Zabad tugʻildi,

³⁷Zabaddan Eflol tugʻildi, Efloldan Obid tugʻildi,

³⁸Obiddan Yohu tugʻildi, Yohudan Ozariyo tugʻildi,

³⁹Ozariyodan Xalez tugʻildi, Xalezdan Elasax tugʻildi,

⁴⁰Elasaxdan Sismay tugʻildi, Sismaydan Shallum tugʻildi,

⁴¹Shallumdan Yoxamiyo tugʻildi, Yoxamiyodan Elishama tugʻildi.

⁴²Yaraxmalning ukasi Xolib ikki oʻgʻil koʻrdi, toʻngʻichining ismi Mesho va kenjasining ismi Morisho edi. Meshodan Zif tugʻildi, Morishodan Xevron tugʻildi.

⁴³Xevron Koʻrax, Tappux, Rahem va Shema ismli oʻgʻillar koʻrdi.

⁴⁴Shemadan Raxam tugʻildi, Raxamdan Yorixim tugʻildi. Shemaning akasi Rahem Shammay ismli oʻgʻil koʻrdi.

⁴⁵Shammaydan Moyun tugʻildi. Moyundan Baytzur tugʻildi.

⁴⁶Xolibning Efax ismli choʻrisi[32] unga Xoronni, Moʻzoni va Gazezni tugʻib berdi. Xoron ham Gazez ismli bir oʻgʻil koʻrdi.

⁴⁷Efaxning otasi Yohdoyning Raxem, Yoʻtom, Geshon, Palat va Shaf degan oʻgʻillari ham bor edi.

⁴⁸Xolibning Maxo ismli boshqa bir choʻrisi[33] unga Shabar va Tirxano ismli oʻgʻillar tugʻib berdi.

⁴⁹Keyinroq ular Shaf va Shavo ismli yana ikki oʻgʻil koʻrishdi. Shaf Madmanno shahriga, Shavo esa Maxbinax va Giviyo shaharlariga asos soldi[34]. Xolibning Axsa ismli bir qizi ham bor edi.

⁵⁰Mana shularning hammasi Xolibning nasli edi. Efrataning Xolibdan tugʻilgan toʻngʻich oʻgʻli Xur uch oʻgʻil koʻrdi. Birinchisining ismi Shoʻval boʻlib, u Xirat — Yoʻrim shahriga asos soldi.

⁵¹Ikkinchisining ismi Salmo boʻlib, u Baytlahm shahriga asos soldi. Uchinchisining ismi Xoref boʻlib, u Bayt — Gader shahriga asos soldi.

⁵²Xirat — Yoʻrimning asoschisi Shoʻvaldan Horu xalqi va Monaxat shahrining yarim aholisi bino boʻldi.

⁵³Xirat — Yoʻrim aholisi Yitar urugʻi, Fut urugʻi, Shumot urugʻi va Mishroy urugʻlaridan tashkil topgan edi. Zorox va Eshtoyoʻl shaharlarining aholisi ham shu urugʻlardan kelib chiqqan.

⁵⁴Natufo, Otroʻt — Bayt — Yoʻab va Zorox shaharlarining aholisi hamda Monaxat shahrining yarim aholisi Baytlahmning asoschisi Salmo naslidan tashkil topgan edi.

⁵⁵Yabiz shahrida istiqomat qilgan kotiblarning urugʻlari[35] ham Salmo naslidan kelib chiqqan boʻlib, ular Tirotliklar, Shimatliklar va Suxotliklar degan nom bilan yuritilardi. Bular Xayin xalqidan boʻlgan Xammat ismli bir odamning avlodlari edilar. Xammat Raxav urugʻining bobokaloni edi[36].