Read Uzbek Muqaddas Kitob 1 Solnomalar 24 Bible Online

1 Solnomalar 24 - Uzbek Muqaddas Kitob bible

1 Solnomalar 24

¹Horun nasli xizmat uchun guruh — guruhlarga boʻlindi. Horunning Nadov, Abihu, Elazar va Itamar ismli toʻrt oʻgʻli bor edi.

²Lekin Nadov bilan Abihu otalaridan oldin, oʻgʻil koʻrmasdan vafot etganlari uchun, Elazar bilan Itamar ruhoniy boʻldilar.

³Shoh Dovud Horun naslini, bajaradigan vazifalariga koʻra, guruhlarga boʻldi. Unga bu ishda Elazar naslidan boʻlgan Zodoʻx va Itamar naslidan boʻlgan Oximalek yordam berdilar.

⁴Elazar naslidagi urugʻboshilarning soni Itamar naslinikiga qaraganda koʻproq boʻlgani uchun, Elazar nasli 16 guruhga, Itamar nasli esa 8 guruhga boʻlindi.

⁵Ma’badda Xudoga xizmat qiladigan malakali rahnamolarning ba’zilari Elazar naslidan, boshqalari esa Itamar naslidan edilar. Shu sababdan tarafkashlikka yoʻl qoʻymaslik uchun bajaradigan vazifalari ularga qur’a boʻyicha[208] boʻlib berildi.

⁶Elazar va Itamar nasllari uchun navbatma — navbat qur’a tashlandi. Levilardan boʻlgan kotib Natanil oʻgʻli Shamayo qur’a natijalarini qayd etib turdi. Shoh, uning a’yonlari, ruhoniy Zodoʻx, Abuatar oʻgʻli Oximalek hamda ruhoniy va levi xonadonlarining urugʻboshilari bunga shohid boʻldilar.

⁷Birinchi qur’a Yohayirivga tushdi. Ikkinchi qur’a Yodayoga tushdi.

⁸Uchinchi qur’a Xarimga tushdi. Toʻrtinchi qur’a Sayoʻrimga tushdi.

⁹Beshinchi qur’a Malkiyoga tushdi. Oltinchi qur’a Miyominga tushdi.

¹⁰Yettinchi qur’a Xakkoʻzga tushdi. Sakkizinchi qur’a Abiyoga tushdi.

¹¹Toʻqqizinchi qur’a Yeshuvaga tushdi. Oʻninchi qur’a Shaxaniyoga tushdi.

¹²Oʻn birinchi qur’a Eliashabga tushdi. Oʻn ikkinchi qur’a Yaximga tushdi.

¹³Oʻn uchinchi qur’a Xuppaga tushdi. Oʻn toʻrtinchi qur’a Eshebovga tushdi.

¹⁴Oʻn beshinchi qur’a Bildaxga tushdi. Oʻn oltinchi qur’a Immarga tushdi.

¹⁵Oʻn yettinchi qur’a Xazirga tushdi. Oʻn sakkizinchi qur’a Xapizezga tushdi.

¹⁶Oʻn toʻqqizinchi qur’a Patixiyoga tushdi. Yigirmanchi qur’a Yoxizqiyolga tushdi.

¹⁷Yigirma birinchi qur’a Yoxinga tushdi. Yigirma ikkinchi qur’a Gamulga tushdi.

¹⁸Yigirma uchinchi qur’a Daloyoga tushdi. Yigirma toʻrtinchi qur’a Maziyoga tushdi.

¹⁹Har bir guruh Egamiz uyidagi oʻz vazifasini ularning bobokaloni Horun tomonidan belgilangan koʻrsatmalar asosida bajarishi lozim edi. Bu koʻrsatmalarni Horunga Isroil xalqining Xudosi — Egamiz bergan edi.

²⁰Levidan bino boʻlgan boshqa urugʻboshilar quyidagilar edi: Imrom naslidan — Shavuvol[209], Shavuvol naslidan — Yoxidayo,

²¹Raxaviyo naslidan — yoʻlboshchi Ishshiyo,

²²Izxor naslidan — Shalumit[210], Shalumit naslidan — Yaxat,

²³Xevron naslidan — toʻngʻichi Yoriyo, ikkinchisi — Emoriyo[211], uchinchisi — Yaxaziyol va toʻrtinchisi — Yoxamom,

²⁴Uziyol naslidan — Mixo, Mixo naslidan — Shomir,

²⁵Mixoning ukasi — Ishshiyo, Ishshiyo naslidan — Zakariyo,

²⁶Marori naslidan — Maxli, Mushi va Yaziyo, Yaziyo naslidan — Shoʻham, Zakkur va Ibri,

²⁸Maxli naslidan — Elazar va Kish. Elazarning oʻgʻillari yoʻq edi. Kish naslidan — Yaraxmal[212],

³⁰Mushi naslidan — Maxli, Eder va Yarimoʻt. Levi nasli, urugʻlari boʻyicha, ana shulardan iborat edi.

³¹Ular ham Horun nasli singari, qur’a tashlab, bajaradigan vazifalarini aniqlab olgan edilar. Shoh Dovud, Zodoʻx, Oximalek, ruhoniy va levi xonadonlarining urugʻboshilari bunga shohid edilar. Katta oʻgʻil xonadoni, kichik oʻgʻil xonadoni qatori, qur’a tashladi.