Read Uzbek Muqaddas Kitob 1 Solnomalar 3 Bible Online

1 Solnomalar 3 - Uzbek Muqaddas Kitob bible

1 Solnomalar 3

¹Dovud Xevronda turgan paytda tugʻilgan oʻgʻillari mana shular edi: toʻngʻichi — Omnoʻn. Omnoʻnning onasi Yizrillik Oxinavam edi. Ikkinchisi — Doniyor. Doniyorning onasi Karmillik Obigayl edi.

²Uchinchisi — Absalom. Absalomning onasi Gashur shohi Talmayning qizi Maxo edi. Toʻrtinchisi — Odoniyo. Odoniyoning onasi Xaggit edi.

³Beshinchisi — Shafatiyo. Shafatiyoning onasi Obida edi. Oltinchisi — Yitrom. Yitromning onasi Eglax edi.

⁴Dovudning bu olti oʻgʻli Xevronda tugʻilgan edi. Dovud bu yerda yetti yilu olti oy, Quddusda esa oʻttiz uch yil hukmronlik qildi.

⁵Dovudning Quddusda tugʻilgan oʻgʻillari esa quyidagilardir: Shammuva[37], Shoʻvav, Natan va Sulaymon. Bu toʻrtala oʻgʻilni Dovudga Omiyolning qizi Botsheva[38] tugʻib bergan.

⁶Dovudning yana toʻqqizta oʻgʻli boʻlib, oʻgʻillarining ismlari quyidagicha edi: Yibxar, Elishuva[39], Elfalat[40],

⁷Noʻgax, Nafax, Yofiya,

⁸Elishama, Elyodax va Elifalet.

⁹Bu oʻgʻillaridan tashqari, Dovudga kanizaklar[41] ham oʻgʻillar tugʻib bergan edi. Dovudning Tamara degan qizi ham bor edi.

¹⁰Sulaymonning naslidan chiqqan shohlar quyidagilar edi: Raxabom, Abiyo, Oso, Yohushafat,

¹¹Yohuram[42], Oxoziyo, Yoʻsh,

¹²Emoziyo, Uzziyo[43], Yoʻtom,

¹³Oxoz, Hizqiyo, Manashe,

¹⁴Omon va Yoʻshiyo.

¹⁵Yoʻshiyoning toʻrt oʻgʻli bor edi. Toʻngʻichi — Yoʻxanon, ikkinchisi — Yohayiqim, uchinchisi — Zidqiyo va toʻrtinchisi Yohuxoz[44] edi.

¹⁶Yohayiqimning Yohayixin[45] bilan Zidqiyo degan oʻgʻillari bor edi.

¹⁷Bobilga asir qilib olib ketilgan Yohayixinning[46] oʻgʻillari quyidagilardir: Shaltiyol,

¹⁸Malkirom, Podiyo, Shenazar, Yoxamiyo, Xoʻshama va Nadaviyo.

¹⁹Podiyoning Zarubabel va Shimax degan oʻgʻillari bor edi. Zarubabelning Mashullom, Xanoniyo degan oʻgʻillari va Shalumit degan bir qizi bor edi.

²⁰Zarubabelning yana Xashuva, Oxil, Barxiyo, Xasadiyo va Yoshaxesed ismli beshta oʻgʻli bor edi.

²¹Xanoniyoning oʻgʻillari Pilatiyo va Yeshayo edi. Yeshayodan Rafiyo tugʻildi, Rafiyodan — Arnan, Arnandan — Obodiyo, Obodiyodan Shaxaniyo tugʻildi.

²²Shaxaniyoning nasli quyidagicha edi: uning Shamayo ismli bir oʻgʻli va Xattush, Yixal, Boriyox, Nariyo va Shofot ismli beshta nabirasi bor edi. Hammasi boʻlib oltita edilar.

²³Nariyoning Eliyoʻnay, Xizqiyo va Ozrikom degan uch oʻgʻli bor edi.

²⁴Eliyoʻnayning Xoʻdaviyo, Eliashab, Paliyo, Oqquv, Yoʻxanon, Daloyo va Onanax degan yettita oʻgʻli bor edi.