Read Uzbek Muqaddas Kitob 1 Solnomalar 7 Bible Online

1 Solnomalar 7 - Uzbek Muqaddas Kitob bible

1 Solnomalar 7

¹Issaxorning Toʻlo, Puvax, Yoshuv va Shimron degan toʻrtta oʻgʻli bor edi.

²Toʻloning oltita oʻgʻli bor edi: Uzzi, Rafiyo, Yoriyol, Yaxmay, Yibsam va Shomuil. Ular oʻz xonadonlarining urugʻboshilari edilar. Shoh Dovud davrida Toʻloning nasabnomasida 22.600 nafar jangchi qayd etilgan edi.

³Uzzining Yizraxiyo degan oʻgʻli bor edi. Yizraxiyoning toʻrtta oʻgʻli boʻlib, ismlari Mikoyil, Obodiyo, Yoʻel va Ishshiyo edi. Yizraxiyo va uning oʻgʻillari urugʻboshilar edi.

⁴Ularning xotinlari va bolalari nihoyatda koʻp boʻlgani uchun nasabnomasiga koʻra, jang qilishga qodir 36.000 odami bor edi.

⁵Issaxor qabilasining nasabnomasida hammasi boʻlib 87.000 nafar jangchi qayd etilgan edi.

⁶Benyaminning Belax, Boxir va Yodiyol degan uch oʻgʻli bor edi.

⁷Belaxning Ezboʻn, Uzzi, Uziyol, Yarimoʻt va Iri degan beshta oʻgʻli bor edi. Ularning beshovi ham urugʻboshilar boʻlib, nasabnomasida 22.034 nafar bahodir jangchi qayd etilgan edi.

⁸Boxirning Zomiro, Yoʻsh, Eliazar, Eliyoʻnay, Omri, Yorimoʻt, Abiyo, Onotoʻt va Elimat degan oʻgʻillari bor edi. Bularning hammasi Boxirning oʻgʻillari edi.

⁹Ularning nasabnomasida urugʻboshilardan tashqari 22.200 nafar jangchi qayd etilgan edi.

¹⁰Yodiyolning Bilxan degan bitta oʻgʻli, Bilxanning esa Yoush, Benyamin, Ehud, Xanano, Zaton, Tarshish va Oxishar degan yetti oʻgʻli bor edi.

¹¹Ularning hammasi urugʻboshilar boʻlib, nasabnomasiga koʻra, jang qilishga tayyor 17.200 nafar odami bor edi.

¹²Shupim va Xupim xalqlari — Irdan, Xushim xalqi esa Oxerdan kelib chiqqandi.

¹³Naftalining Yaxziyol, Goʻno, Izar va Shillem[82] degan toʻrtta oʻgʻli bor edi. Ular Bilxaxning[83] naslidan edi.

¹⁴Oramlik choʻrisi[84] Manashega Osriyol va Moxir ismli ikki oʻgʻil tugʻib berdi. Zalofxod Manashening avlodidan boʻlib, faqat qizlar koʻrgan edi. Moxir Giladning otasi edi, u Maxo ismli bir qizga uylangandi. Maxo Xupim va Shupimning singlisi edi.

¹⁶Maxo Moxirga ikki oʻgʻil tugʻib berdi. Ularning ismini Parash va Sharash qoʻydilar. Parash Ulom va Rahem ismli ikki oʻgʻil koʻrdi.

¹⁷Ulomning Badon degan oʻgʻli bor edi. Manashe nevarasi Moxir oʻgʻli Giladning nasli mana shulardan iboratdir.

¹⁸Giladning singlisi Xamaleka Ishxoʻd, Abuazar va Maxlo ismli uchta oʻgʻilni tugʻdi.

¹⁹Shamidoning Oxiyon, Shakam, Lixi va Oniyom degan oʻgʻillari bor edi.

²⁰Efrayimning Shutalax degan oʻgʻli bor edi. Shutalaxdan Barid tugʻildi, Bariddan — Taxat, Taxatdan — Eladax, Eladaxdan — Taxat,

²¹Taxatdan — Zabad, Zabaddan Shutalax tugʻildilar. Efrayimning Shutalaxdan tashqari yana Eyzar va Elad ismli ikki oʻgʻli ham bor edi. Ular Gat shahrining tub aholisiga qarashli chorvani oʻgʻirlamoqchi boʻlganlarida, Gatliklar ularni oʻldirgan edilar.

²²Ularning otasi Efrayim koʻp kunlar aza tutdi. Qarindoshlari unga tasalli bergani keldilar.

²³Efrayim xotini bilan yana qovushgan edi, xotini homilador boʻlib, oʻgʻil tugʻdi. Efrayim: “Uyimda baxtsizlik yuz bergan edi”, deb oʻgʻlining ismini Bariyo[85] qoʻydi.

²⁴Efrayimning Shero degan bir qizi bor edi. Shero Tepadagi Bayt — Xoʻron va Pastdagi Bayt — Xoʻron shaharlarini hamda Uzan — Shero shahrini qurdi.

²⁵Efrayimning Refax ismli bir oʻgʻli ham bor edi. Refaxdan Rashaf tugʻildi, Rashafdan — Telax, Telaxdan — Taxan,

²⁶Taxandan — Laden, Ladendan — Omihud, Omihuddan — Elishama,

²⁷Elishamadan — Nun, Nundan Yoshua tugʻildilar.

²⁸Efrayim nasli janubdagi Baytil shahri, sharqdagi Naron shahri va gʻarbdagi Gezer shahrigacha choʻzilgan hududni qoʻlga kiritib, oʻsha yerga oʻrnashib olgan edi. Ularning hududiga oʻsha shaharlar atrofidagi barcha qishloqlar, Shakam va Oya shaharlari hamda ularning atrofidagi qishloqlar kirgan edi.

²⁹Manashe qabilasi Bayt — Shan, Tanax, Magidoʻ va Doʻr shaharlari va oʻsha shaharlar atrofidagi qishloqlarda oʻrnashib olgan edi. Bu joylarda Yoqubning[86] oʻgʻli Yusuf avlodlari yashagan edi.

³⁰Osherning oʻgʻillari quyidagilardir: Yimnax, Yishvo, Yishvi va Bariyo. Osherning Serax ismli bir qizi ham bor edi.

³¹Bariyoning Xaber va Malxiyol ismli ikki oʻgʻli boʻlib, Malxiyol Birzayit shahrini qurgan edi.

³²Xaberning Yaflet, Shoʻmer va Xoʻtam ismli uch oʻgʻli va Shuva ismli bir qizi bor edi.

³³Yafletning oʻgʻillari — Poʻsax, Bimxal va Oshvot.

³⁴Shoʻmerning[87] oʻgʻillari — Oxi, Roxgax, Xubbo va Oram.

³⁵Shoʻmerning ukasi Xoʻtamning[88] oʻgʻillari — Zoʻfax, Yimno, Shalash va Amal.

³⁶Zoʻfaxning oʻgʻillari — Suvax, Xarnatar, Shuvol, Beri, Yimra,

³⁷Bazer, Xoʻd, Shammo, Shilsho, Yitron va Bera.

³⁸Eterning oʻgʻillari — Yafunax, Fispa va Orro.

³⁹Ulloning oʻgʻillari — Orax, Xanniyol va Riziyo.

⁴⁰Osher nasli ana shulardan iborat boʻlib, ular urugʻboshilar, mashhur bahodir jangchilar, obroʻli yoʻlboshchilar edilar. Osher qabilasining nasabnomasida jang qilishga qodir 26.000 kishi qayd etilgan edi.