Read Uzbek Muqaddas Kitob 1 Solnomalar 9 Bible Online

1 Solnomalar 9 - Uzbek Muqaddas Kitob bible

1 Solnomalar 9

¹Shunday qilib, butun Isroil xalqi nasabnomada qayd etilib, ushbu ma’lumotlarning hammasi “Isroil shohlari kitobi”ga kiritilgan. Yahudo xalqi Egamizga xiyonat qilgani uchun Bobilga surgun qilingan edi.

²Surgundan birinchi boʻlib oddiy xalq oʻz shaharlaridagi mulklariga qaytib keldi. Ular bilan birga ba’zi ruhoniylar, levilar va Ma’bad xizmatkorlari ham qaytishgandi.

³Yahudo, Benyamin, Efrayim va Manashe qabilasidan boʻlganlar Quddusga borib oʻrnashdilar. Qaytib kelganlar orasida quyidagilar bor edi:

⁴Yahudo oʻgʻli Paraz naslidan boʻlgan Utay. U Omihudning oʻgʻli, Omrining nabirasi, Imrining evarasi va Banixning chevarasi edi.

⁵Shelo naslidan — Sheloning toʻngʻich oʻgʻli Osoyoh va uning oʻgʻillari,

⁶Zerax naslidan — Yoval. Hammasi boʻlib Yahudo qabilasidan Quddusga qaytib kelganlar 690 kishini tashkil qilar edi.

⁷Benyamin qabilasidan quyidagilar Quddusga qaytib kelgan edilar: Mashullom oʻgʻli Sallu. U Xoʻdaviyoning nevarasi va Xassinuvaning evarasi edi.

⁸Yana Yeroxam oʻgʻli Yibnayo va Uzzi oʻgʻli Elox qaytib kelgan. Elox Mixrining nevarasi edi. Shafatiyo oʻgʻli Mashullom ham qaytib kelgan. U Ruvelning nevarasi va Yibniyoning evarasi edi.

⁹Nasabnomaga kiritilgan Benyamin nasli 956 kishini tashkil qilgan edi. Yuqorida aytib oʻtilganlarning hammasi urugʻboshilar edi.

¹⁰Quyidagi ruhoniylar Quddusga qaytib kelgan edilar: Yodayo, Yohayiriv va Yoxin.

¹¹Yana Xudo uyining bosh amaldori Ozariyo qaytib kelgan edi. U Xilqiyoning oʻgʻli, Mashullomning nevarasi, Zodoʻxning evarasi va Oxitob oʻgʻli Maroyoʻtning chevarasi edi.

¹²Yeroxam oʻgʻli Odayo ham qaytib kelgandi. U Peshxurning nevarasi va Malkiyoning evarasi edi. Odil oʻgʻli Masay ham qaytib kelgandi. U Yaxzironing nevarasi, Mashullomning evarasi va Immar oʻgʻli Mashillamatning chevarasi edi.

¹³Hammasi boʻlib 1760 nafar ruhoniy qaytib kelgan edi. Ular urugʻboshilar boʻlib, Xudoning uyida xizmat qilish uchun layoqatli edilar.

¹⁴Quyidagi levilar Quddusga qaytib kelgan edilar: Xashshub oʻgʻli Shamayo. U Marori urugʻidan boʻlib, Ozrikomning nevarasi, Xashaviyoning evarasi edi.

¹⁵Yana Bogʻbaqar, Xaresh, Galol va Mattaniyo qaytib kelgandi. Mattaniyo Mixaning oʻgʻli, Zixrining nevarasi va Osifning evarasi edi.

¹⁶Shamayo oʻgʻli Obodiyo ham qaytib kelgandi. U Galolning nevarasi va Yodutunning evarasi edi. Oso oʻgʻli Barxiyo ham qaytib kelgandi. U Elqananing nabirasi boʻlib, Natufo shahrining qishloqlarida yashagan edi.

¹⁷Levi qabilasidan boʻlgan, Quddusga qaytib kelgan Ma’bad darvozabonlari quyidagilar edi: Shallum, Oqquv, Talmoʻn, Oximan va ularning qarindosh — urugʻlari. Shallum ularning boshligʻi edi. U bugungacha[97] sharq tomondagi Shoh darvozasida soqchilik qilib kelmoqda.

¹⁹Abuasafning[98] nabirasi Kori oʻgʻli Shallumga va uning Koʻrax urugʻidan boʻlgan qarindoshlariga Ma’bad[99] darvozasida soqchilik qilish vazifasi topshirilgan edi. Ularning ota — bobolari ham ilgarilari Egamizning Muqaddas chodiri kirishida soqchilik xizmatida boʻlganlar.

²⁰Elazar oʻgʻli Finxaz[100] ularning ustidan boshliq edi. Egamiz u bilan birga edi.

²¹Mashalmiyo oʻgʻli Zakariyo ham Ma’badning[101] darvozasida soqchilik qiladigan boʻldi.

²²Darvozani qoʻriqlash uchun hammasi boʻlib 212 darvozabon tanlab olindi. Ular oʻz qishloqlarida nasabnomalari boʻyicha roʻyxatga olindilar. Oʻz vaqtida ularning ota — bobolarini darvozabonlik vazifasiga shoh Dovud bilan Shomuil paygʻambar tayinlagan edilar.

²³Bu darvozabonlar va ularning avlodlari Egamizning uyi darvozalarida soqchilik qilishardi.

²⁴Darvozabonlar Ma’badning sharq, gʻarb, shimol va janub tomonidagi darvozalarini qoʻriqlar edilar.

²⁵Ularning qishloqlaridagi qarindoshlari aniq belgilangan bir vaqtda kelib, ular bilan birga yetti kun davomida xizmat qilishga majbur edilar.

²⁶Toʻrt nafar bosh darvozabon Levi qabilasidan edi. Ular Xudoning uyidagi omborxona va xazinalar uchun mas’ul edilar.

²⁷Xudoning uyini qoʻriqlash va ertalablari darvozalarni ochish ularning zimmasida boʻlgani uchun, ular tunni Xudoning uyi yonida oʻtkazar edilar.

²⁸Ma’bad xizmatida foydalaniladigan asbob — anjomlar uchun ba’zi levilar mas’ul edilar. Ularning vazifasi asbob — anjomlarni ishlatishdan oldin va ishlatilgandan keyin sanash edi.

²⁹Ba’zi levilar esa jihozlarga, Muqaddas xonadagi boshqa buyumlarga, sifatli unga, sharobga, zaytun moyiga, tutatqiga va ziravorlarga mas’ul edilar.

³⁰Biroq ziravorlarning aralashmasini faqat ruhoniylar tayyorlay olar edilar.

³¹Levilardan biri — Koʻrax naslidan boʻlgan Shallumning toʻngʻich oʻgʻli Mattitiyo nazr nonlarini[102] pishirishga tayinlangan edi.

³²Uning Qohot naslidan boʻlgan ba’zi birodarlari esa Shabbat kuni xontaxtaga qoʻyiladigan muqaddas nonlarni[103] tayyorlashga mas’ul edilar.

³³Levilarning qoʻshiqchilari Ma’baddagi xonalarda yashar edilar. Ular urugʻboshilar boʻlib, kechayu kunduz xizmatda boʻlganlari uchun boshqa barcha vazifalardan ozod qilingan edilar.

³⁴Yuqorida nomlari aytib oʻtilgan levilar urugʻboshilar boʻlib, nasabnoma roʻyxatiga boshliqlar sifatida kiritilgan edilar. Ular Quddusda yashardilar.

³⁵Yaviyol Givon shahriga asos solib, oʻsha shaharda oʻrnashdi[104]. Xotinining ismi — Maxo,

³⁶toʻngʻich oʻgʻlining ismi — Abdoʻn, keyingilariniki Zur, Kish, Baal, Nar, Nadov,

³⁷Gadoʻr, Oxyo, Zakariyo va Mixloʻt edi.

³⁸Mixloʻt Shimomning otasi edi. Ular Quddusda oʻz urugʻlari bilan yonma — yon yashardi.

³⁹Nar — Kishning otasi, Kish shoh Shoulning otasi edi. Shoulning toʻrtta oʻgʻli boʻlib, ismlari Yoʻnatan, Malkishuva, Abunadav va Ishbosit[105] edi.

⁴⁰Yoʻnatandan Mefibosit[106] tugʻildi, Mefibositdan Mixo tugʻildi.

⁴¹Mixoning Pitoʻn, Malek, Tariya va Oxoz[107] degan oʻgʻillari bor edi.

⁴²Oxozdan Yohuvaddo[108] tugʻildi, Yohuvaddodan Elimat, Ozmobit va Zimri tugʻildilar. Zimridan Moʻzo tugʻildi,

⁴³Moʻzodan Bina tugʻildi, Binadan Rafiyo tugʻildi, Rafiyodan Elasax tugʻildi, Elasaxdan Oziyol tugʻildi.

⁴⁴Oziyolning oltita oʻgʻli boʻlib, ularning ismlari Ozrikom, Boxaru, Ismoil, Shariyo, Obodiyo va Xanon edi. Oziyolning oʻgʻillari ana shular edilar.