Read Uzbek Muqaddas Kitob Naximiyo 10 Bible Online

Naximiyo 10 - Uzbek Muqaddas Kitob bible

Naximiyo 10

¹Xaxaliyo oʻgʻli, hokim Naximiyo qarorni tasdiqlab, muhrladi. Zidqiyo ham qarorga muhrini bosdi. Bulardan tashqari, qarorni muhrlaganlarning ismlari quyidagichadir:

²Sarayo, Ozariyo, Yeremiyo,

³Pashxur, Emoriyo, Malkiyo,

⁴Xattush, Shabaniyo, Mallux,

⁵Xarim, Miromoʻt, Obodiyo,

⁶Doniyor, Ginatoy, Borux,

⁷Mashullom, Abiyo, Miyomin,

⁸Maziyo, Bilgi, Shamayo. Ular ruhoniylar edilar.

⁹Levilar: Ozaniyo oʻgʻli Yeshuva, Xanadod urugʻidan Binnuy, Kadmil,

¹⁰ularning sheriklari: Shabaniyo, Xoʻdiyo, Kilit, Paliyo, Xanon,

¹¹Mixa, Rexob, Xashaviyo,

¹²Zakkur, Sharaviyo, Shabaniyo,

¹³Xoʻdiyo, Banix, Baninu.

¹⁴Xalq yoʻlboshchilari: Paroʻsh, Paxatmoʻab, Elam, Zattu, Banix,

¹⁵Boʻnax, Ozgad, Boʻvay,

¹⁶Odoniyo, Bigʻvay, Adin,

¹⁷Oter, Yoxizqiyo, Azzur,

¹⁸Xoʻdiyo, Xashum, Bezay,

¹⁹Xorif, Onotoʻt, Nabay,

²⁰Maxpiyosh, Mashullom, Xazir,

²¹Mashazavil, Zodoʻx, Yodduva,

²²Pilatiyo, Xanon, Onoyoh,

²³Xoʻsheya, Xanoniyo, Xashshub,

²⁴Xalloxesh, Pilxo, Shoʻvex,

²⁵Raxum, Xashavno, Masiyo,

²⁶Oxiyo, Xanon, Onon,

²⁷Mallux, Xarim, Banax.

²⁸Biz, jamiki Isroil xalqi — ruhoniylar, levilar, Ma’bad darvozabonlari, qoʻshiqchilar, Ma’bad xizmatchilari va Xudoning qonuniga muvofiq oʻzlarini mahalliy xalqlardan ayirgan hamma yahudiylar xotinlari va esini tanigan oʻgʻil — qizlari bilan birga,

²⁹yoʻlboshchilarimiz qatorida ont ichamiz. Agar ontimizni buzsak, la’nati boʻlaylik. Xudo Oʻz quli Muso orqali bergan qonunga biz amal qilib yashaymiz. Egamiz Rabbiyning amrlariga, qonun — qoidalariga va farmonlariga rioya qilamiz.

³⁰Biz mahalliy xalqlar bilan quda — andachilik qilmaymiz.

³¹Agar mahalliy odamlar Shabbat kuni yoki boshqa biror muqaddas kunda sotish uchun don yoki har xil mol olib kelishsa, ulardan hech narsa sotib olmaymiz. Biz har yettinchi yili yerga ishlov bermaslikka va bergan hamma qarzlarimizdan voz kechib yuborishga va’da qilamiz.

³²Bundan tashqari, shuni va’da qilamizki, Xudoyimizning uyidagi sajda marosimlari ehtiyojlari uchun har yili bir misqol kumushni[73] topshiramiz.

³³Bu pullar quyidagi narsalar uchun sarf qilinadi: muqaddas nonlar uchun, kundalik don nazrlari uchun, kundalik kuydiriladigan qurbonliklar uchun, Shabbat kunida, yangi oy shodiyonasida, har yili oʻtkaziladigan bayramlarda keltiriladigan qurbonliklar, nazrlar va boshqa ehsonlar uchun, Isroil xalqini poklaganda qilinadigan gunoh qurbonliklari uchun, Xudoyimizning uyida qilinadigan boshqa sarf — xarajatlar uchun.

³⁴Biz qur’a tashlab[74], ruhoniylar, levilar va xalqning har bir xonadoni qay vaqtda Xudoning uyi uchun oʻtin olib kelishlari kerakligini aniqlab oldik. Soʻng shunday va’da berdik: biz har yili belgilangan paytda oʻtin olib kelamiz. Shu yoʻl bilan Tavrotda, Egamiz Xudoning qurbongohida doimo olov yonib tursin, deb yozilgan amrni bajaramiz.

³⁵Biz har yili yerimizning birinchi hosilini va hamma mevali daraxtlarimizning birinchi hosilini Egamizning uyiga olib kelamiz, deb va’da qilamiz.

³⁶Shuningdek, Tavrotda yozilganiga muvofiq, toʻngʻich oʻgʻillarimizni, mol — qoʻylarimizning birinchi tugʻilganlarini Xudoyimizga bagʻishlaymiz, deb va’da qilamiz. Biz ularni Xudoyimizning uyida oʻz vazifasini oʻtayotgan ruhoniylarga olib kelamiz.

³⁷Ruhoniylarga atalgan mahsulotlarni Xudoyimizning uyidagi omborxonalarga olib kelamiz. Unimizning va boshqa don mahsulotlarimizning a’losini, mevalarimizning a’losini, yangi sharob va zaytun moyimizning a’losini omborxonalarga olib kelamiz. Biz yerimizning hosilidan levilarga ushr[75] berishga va’da qilamiz. Dehqonchilik bilan mashgʻul boʻlgan hamma shaharlarimizdan levilar ushr yigʻadilar.

³⁸Levilar ushrni olayotganlarida, Horun naslidan boʻlgan ruhoniy ularning yonida boʻladi. Levilar ushrning oʻndan birini Xudoyimizning uyiga olib kelib, omborxonalarga joylashtiradilar.

³⁹Xullas, Isroil xalqi va levilar ehson qilgan don, sharob va zaytun moylarini Ma’baddagi omborlarga olib kelishadi. Bu omborxonalar oʻz vazifasini oʻtayotgan ruhoniylar, darvozabonlar va qoʻshiqchilarning xonalari yonida joylashgan boʻlib, u yerda Ma’bad buyumlari ham saqlanadi. Biz Xudoyimizning uyini qarovsiz qoldirmaymiz, deb va’da beramiz.”