Read Uzbek Muqaddas Kitob Naximiyo 11 Bible Online

Naximiyo 11 - Uzbek Muqaddas Kitob bible

Naximiyo 11

¹Xalq yoʻlboshchilari Quddusda oʻrnashib oldilar. Qolgan xalq esa qur’a tashladi[76], chunki har oʻnta xonadondan bittasi muqaddas Quddus shahriga koʻchib borishi, qolgan toʻqqiztasi boshqa shaharlarda qolishlari kerak edi.

²Oʻz xohishi bilan Quddusga koʻchib bormoqchi boʻlganlarning hammasini xalq duo qildi.

³Shunday qilib, Isroil xalqining koʻpchiligi, ruhoniylar, levilar, Ma’bad xizmatchilari, Sulaymon qarollarining avlodlari Yahudo yurtidagi boshqa shaharlarda, oʻzlarining mulkida yashab qoldilar. Yahudo va Benyamin qabilalaridan ba’zilari esa Quddusda qaytadan uy — joy qildilar. Quddusda oʻrnashib olgan viloyat[77] yoʻlboshchilarining roʻyxati quyidagichadir: Yahudo qabilasidan: Quddusda Uzziyo oʻgʻli Otayox oʻrnashdi. Otayoxning nasabnomasi quyidagicha edi: Uzziyo — Zakariyoning oʻgʻli, Zakariyo — Emoriyoning oʻgʻli, Emoriyo — Shafatiyoning oʻgʻli, Shafatiyo — Maxaliyolning oʻgʻli, Maxaliyol Paraz naslidan edi.

⁵Borux oʻgʻli Masiyo ham Quddusda oʻrnashdi. Masiyoning nasabnomasi quyidagicha edi: Borux — Xolxozining oʻgʻli, Xolxozi — Xaziyoning oʻgʻli, Xaziyo — Odayoning oʻgʻli, Odayo — Yoʻxarivning oʻgʻli, Yoʻxariv — Zakariyoning oʻgʻli, Zakariyo Shelo naslidan edi.

⁶Paraz naslidan Quddusda hammasi boʻlib 468 nafar bahodir jangchi yashar edi.

⁷Benyamin qabilasidan: Quddusda Mashullom oʻgʻli Sallu oʻrnashdi. Salluning nasabnomasi quyidagicha edi: Mashullom — Yoʻadning oʻgʻli, Yoʻad — Podiyoning oʻgʻli, Podiyo — Xulayoning oʻgʻli, Xulayo — Masiyoning oʻgʻli, Masiyo — Ixtiyolning oʻgʻli, Ixtiyol — Yeshayoning oʻgʻli.

⁸Salluning izdoshlari Gabboy va Salloy ham Quddusda oʻrnashdilar. Benyamin naslidan Quddusda hammasi boʻlib 928 nafar odam yashar edi.

⁹Ularning lashkarboshisi Zixri oʻgʻli Yoʻel edi, Xassinuva oʻgʻli Yahudo esa Yoʻelning oʻng qoʻl yordamchisi edi.

¹⁰Ruhoniylardan: Quddusda Yoʻxariv oʻgʻli Yodayo, Yoxin

¹¹va oliy ruhoniy Sarayo oʻrnashdilar. Sarayoning nasabnomasi quyidagicha edi: Sarayo — Xilqiyoning oʻgʻli, Xilqiyo — Mashullomning oʻgʻli, Mashullom — Zodoʻxning oʻgʻli, Zodoʻx — Maroyoʻtning oʻgʻli, Maroyoʻt Oxitobning oʻgʻli edi.

¹²Yodayo, Yoxin va Sarayoning Xudo uyida xizmat qiladigan qarindosh — urugʻlari hammasi boʻlib 822 nafar odam edi. Yeroxam oʻgʻli Odayo ham Quddusda oʻrnashib oldi. Uning nasabnomasi quyidagicha edi: Yeroxam — Palaliyoning oʻgʻli, Palaliyo — Omzining oʻgʻli, Omzi — Zakariyoning oʻgʻli, Zakariyo — Peshxurning oʻgʻli, Peshxur — Malkiyoning oʻgʻli.

¹³Odayoning qarindosh — urugʻlari orasida hammasi boʻlib 242 nafar urugʻboshi bor edi. Ozariyol oʻgʻli Emashay ham Quddusda oʻrnashib oldi. Uning nasabnomasi quyidagicha edi: Ozariyol — Oxzayning oʻgʻli, Oxzay — Mashillamoʻtning oʻgʻli, Mashillamoʻt — Immarning oʻgʻli.

¹⁴Emashayning qarindosh — urugʻlari orasida hammasi boʻlib 128 nafar botir jangchi bor edi. Ruhoniylarning lashkarboshisi Xagdolim oʻgʻli Zabdiyol edi.

¹⁵Levilardan: Quddusda Xashshub oʻgʻli Shamayo oʻrnashdi. Uning nasabnomasi quyidagicha edi: Xashshub — Ozrikomning oʻgʻli, Ozrikom — Xashaviyoning oʻgʻli, Xashaviyo — Boʻnaxning oʻgʻli.

¹⁶Levilarning yoʻlboshchilaridan boʻlgan Shabbatay va Yoʻzabad ham Quddusda oʻrnashib oldilar. Ularning vazifasi Xudoning uyiga qarash va ta’minotini nazorat qilish edi.

¹⁷Mixa oʻgʻli Mattaniyo ham Quddusda oʻrnashib oldi. Uning nasabnomasi quyidagicha edi: Mixa — Zabdining oʻgʻli, Zabdi — Osifning oʻgʻli. Mattaniyo Ma’bad qoʻshiqchilarini hamdu sano aytishda boshqarar edi. Mattaniyoning yordamchisi Bobuhyo va Shammuva oʻgʻli Abdax Quddusda oʻrnashib oldilar. Shammuva oʻgʻli Abdaxning nasabnomasi quyidagicha edi: Shammuva — Galolning oʻgʻli, Galol — Yodutunning oʻgʻli.

¹⁸Muqaddas shahar Quddusda hammasi boʻlib 284 nafar levi yashagan edi.

¹⁹Ma’bad darvozabonlaridan: Oqquv, Talmoʻn va ularning qarindoshlari Quddusda oʻrnashib oldilar. Ular hammasi boʻlib 172 kishi edi.

²⁰Isroil xalqining, ruhoniylarning va levilarning qolganlari Yahudo yurtidagi shaharlarda, oʻzlarining mulkida istiqomat qilishardi.

²¹Ma’bad xizmatkorlari esa Quddusdagi Ofel tepaligida[78] istiqomat qilishardi. Zixo va Gishpo ularning ustidan nazoratchi edilar.

²²Quddusdagi levilarning nazoratchisi Banix oʻgʻli Uzzi edi. Uning nasabnomasi quyidagicha edi: Banix — Xashaviyoning oʻgʻli, Xashaviyo — Mattaniyoning oʻgʻli, Mattaniyo — Mixaning oʻgʻli, Mixa Osif naslidan edi. Osif nasli Xudo uyidagi xizmatda qoʻshiqchilar uchun mas’ul edi.

²³Shoh Dovudning qoʻshiqchilar toʻgʻrisida chiqargan farmoniga koʻra, qoʻshiqchilar har kuni moddiy tomondan ta’minlanar edi.

²⁴Mashazavil oʻgʻli Patixiyo Fors shohining Yahudodagi vakili boʻlib, Isroil xalqiga oid hamma ishlarga mas’ul edi. Patixiyo Yahudo oʻgʻli Zerax naslidan edi.

²⁵Xalqning koʻpchiligi boshqa shaharlarda va oʻsha shaharlar atrofida yashar edilar. Yahudo qabilasidan boʻlganlar quyidagi joylarda istiqomat qilar edilar: Xirat — Arba shahrida va uning atrofidagi qishloqlarda, Dibon shahrida va uning atrofidagi qishloqlarda, Yoxavzol shahrida va uning atrofidagi qishloqlarda,

²⁶Yeshuva, Moʻlodax, Bayt — Palat va

²⁷Xazor — Shuvol shaharlarida, Bersheba shahrida va uning atrofidagi qishloqlarda,

²⁸Zixlax shahrida, Maxuno shahrida va uning atrofidagi qishloqlarda,

²⁹En — Rimmon, Zorox, Yarmut,

³⁰Zonoʻvax, Adullam shaharlarida va ularning atrofidagi qishloqlarda, Laxish shahrida va uning atrofidagi dalalarda, Ozikah shahrida va uning atrofidagi qishloqlarda. Yahudo qabilasi yashagan bu yerlar janubdagi Bershebadan to shimoldagi Xinnum soyligigacha[79] choʻzilgan edi.

³¹Benyamin qabilasidan boʻlganlar quyidagi joylarda istiqomat qilar edilar: Gebo, Mixmash va Oya shaharlarida, Baytil shahrida va uning atrofidagi qishloqlarda,

³²Onotoʻt, Nav, Ononiyoh,

³³Xazor, Rama, Gitayim,

³⁴Hodid, Zavoʻm, Navallot,

³⁵Loʻd, Onoʻ shaharlarida va Hunarmandlar[80] vodiysida.

³⁶Yahudo qabilasining hududida yashagan ba’zi levi guruhlari ham Benyamin qabilasi orasida istiqomat qilish uchun yuborilgan edi.