Read Uzbek Muqaddas Kitob Naximiyo 12 Bible Online

Naximiyo 12 - Uzbek Muqaddas Kitob bible

Naximiyo 12

¹Shaltiyol oʻgʻli Zarubabel[81] va Yoshua bilan birga surgundan qaytib kelgan ruhoniylar hamda levilar quyidagilardir: Ruhoniylar: Sarayo, Yeremiyo, Ezra,

²Emoriyo, Mallux, Xattush,

³Shaxaniyo, Raxum, Miromoʻt,

⁴Iddo, Ginaton[82], Abiyo,

⁵Minyomin, Moʻvadiyo[83], Bildax,

⁶Shamayo, Yoʻxariv, Yodayo,

⁷Sallu, Omoq, Xilqiyo, Yodayo. Bular Yoshua davridagi ruhoniylarning va ruhoniy hamkorlarining yetakchilari edilar.

⁸Levilar: Yeshuva, Binnuy, Kadmil, Sharaviyo, Yahudo va Mattaniyo. Mattaniyo va uning hamkorlari shukrona madhiyasini kuylaydiganlar uchun mas’ul edilar.

⁹Bobuhyo, Unno va ularning hamkorlari madhiyaning joʻr boʻlib aytilishi uchun mas’ul edilar.

¹⁰Yoshua — Yoʻyiqimning otasi, Yoʻyiqim — Eliashabning otasi, Eliashab — Yoʻxadaxning otasi,

¹¹Yoʻxadax — Yoʻxanonning[84] otasi, Yoʻxanon Yodduvaning otasi edi.

¹²Oliy ruhoniy Yoʻyiqim davrida quyidagi ruhoniylar urugʻboshilar edilar: Sarayo urugʻidan — Moriyo. Yeremiyo urugʻidan — Xanoniyo.

¹³Ezra urugʻidan — Mashullom. Emoriyo urugʻidan — Yohuxanon.

¹⁴Mallux[85] urugʻidan — Yoʻnatan. Shaxaniyo[86] urugʻidan — Yusuf.

¹⁵Xarim urugʻidan — Adna. Miromoʻt[87] urugʻidan — Xalkay.

¹⁶Iddo urugʻidan — Zakariyo. Ginaton urugʻidan — Mashullom.

¹⁷Abiyo urugʻidan — Zikri. Minyomin urugʻidan ham bir urugʻboshi bor edi. Moʻvadiyo urugʻidan — Piltay.

¹⁸Bildax urugʻidan — Shammuva. Shamayo urugʻidan — Yoʻnatan.

¹⁹Yoʻxariv urugʻidan — Mattanay. Yodayo urugʻidan — Uzzi.

²⁰Sallu[88] urugʻidan — Kalloy. Omoq urugʻidan — Ibir.

²¹Xilqiyo urugʻidan — Xashaviyo. Yodayo urugʻidan — Natanil.

²²Oliy ruhoniylar Eliashab, Yoʻxadax, Yoʻxanon va Yodduva davrlarida levilar roʻyxatda oʻz urugʻboshilari nomi bilan qayd etilganlar. Fors shohi Doro[89] hukmronligi davrida esa roʻyxatga olishning bunday usuli ruhoniylarga nisbatan qoʻllanilgan edi.

²³Oliy ruhoniy Eliashab nevarasi[90] Yoʻxanon davrigacha “Tarix kitobi”dagi roʻyxatlarda levilar oʻz urugʻboshilari nomlari boʻyicha yozilganlar.

²⁴Quyidagilar levilarning urugʻboshilari edilar: Xashaviyo, Sharaviyo, Yeshuva, Binnuy, Kadmil[91] va ularning hamkorlari Mattaniyo, Bobuhyo va Obodiyo. Xudoning odami Dovud bergan farmonga koʻra, ular Xudoga hamdu sano va shukrona aytayotganlarida, ikki guruhga boʻlinib, bir — birlariga roʻparama — roʻpara turib, kuylar edilar. Mashullom, Talmoʻn va Oqquv Ma’bad darvozabonlari edilar. Ular Egamizning uyi darvozalari yonidagi omborxonalarni qoʻriqlar edilar.

²⁵

²⁶Bu odamlar oliy ruhoniy Yoʻyiqim, hokim Naximiyo, ruhoniy hamda tafsirchi Ezraning zamondoshlari edilar. Oliy ruhoniy Yoʻyiqim — Yoshuaning oʻgʻli, Yohuzadaxning[92] nabirasi edi.

²⁷Quddusning yangi devori Xudoga bagʻishlanayotganda Yahudo yurtidagi hamma levilar chaqirildi. Ular xursandchilik paytida shukrona qoʻshiqlar kuylab, zil, arfa, chang chalib, marosimda ishtirok etishlari kerak edilar.

²⁸Levi qoʻshiqchilari Quddus atrofidagi qishloqlardan yigʻilib keldilar. Quddus atrofidagi oʻsha qishloqlarni levilar oʻzlari uchun qurgan edilar. Natufo, Bayt — Gilgal, Gebo va Ozmobit shaharlarining atrofidagi qishloqlarda yashaydigan levilar ham yigʻilib keldilar.

²⁹

³⁰Ruhoniylar va levilar oʻzlarini pokladilar, soʻngra xalqni, Quddus darvozalarini va devorini pokladilar.

³¹Keyin men[93] Yahudo yoʻlboshchilarini devor ustiga chiqardim. Xudoga shukrona aytadigan ikkita katta guruh qoʻshiqchilarni tayinladim. Qoʻshiqchilarning bir guruhi devor ustida janubga — Goʻng darvozasi tomonga[94] tantana bilan yurdi.

³²Hoʻshayyo Yahudo yoʻlboshchilarining yarmini ergashtirib, birinchi guruh qoʻshiqchilarning orqasidan bordi.

³³Ularning orqasidan esa quyidagi ruhoniylar karnaylar chalib bordilar: Ozariyo, Ezra, Mashullom, Yahudo, Benyamin, Shamayo va Yeremiyo. Ularning ketidan Yoʻnatan oʻgʻli Zakariyo bordi. Zakariyoning nasabnomasi quyidagicha edi: Yoʻnatan — Shamayoning oʻgʻli, Shamayo — Mattaniyoning oʻgʻli, Mattaniyo — Mixiyoning oʻgʻli, Mixiyo — Zakkurning oʻgʻli, Zakkur Osaf naslidan edi.

³⁴

³⁵

³⁶Zakariyoning yonida uning hamkorlari — Shamayo, Ozariyol, Milalay, Jilalay, May, Natanil, Yahudo, Xoninni bor edilar. Ular Xudoning odami shoh Dovudning koʻrsatmasiga binoan musiqa asboblarini koʻtarib borardilar. Tafsirchi Ezra birinchi guruh qoʻshiqchilarining orqasidan borayotganlarni boshlab bordi.

³⁷Ular Buloq darvozasidan Dovud qal’asiga olib boradigan zinapoya orqali toʻgʻriga yurdilar. Dovudning saroyidan oʻtib, sharq tomondagi Suv darvozasiga ketdilar.

³⁸Xudoga shukrona aytayotgan ikkinchi guruh qoʻshiqchilar devorning ustida shimol tomonga ketdilar. Men Yahudo yoʻlboshchilarining yarmini boshlab, ikkinchi guruh qoʻshiqchilarning ortidan ketdim. Biz Tandir darvozasidan, Keng devoridan,

³⁹Efrayim darvozasidan, Yashono darvozasidan[95], Baliq darvozasidan, Xanonil minorasidan, Yuz minorasidan va Qoʻy darvozasidan oʻtdik. Nihoyat, Qoʻriqchi darvozasi yonidagi manzilga yetib bordik.

⁴⁰Shunday qilib, Xudoga shukrona aytgan ikkala guruh Xudoning uyi oldida toʻxtadi. Yonimdagi yoʻlboshchilar bilan birga,

⁴¹quyidagi ruhoniylar ham karnay chalib, ikkinchi guruh qoʻshiqchilar ortidan yurdilar: Eliyaqim, Masiyo, Minyomin, Mixiyo, Eliyoʻnay, Zakariyo va Xanoniyo.

⁴²Ularning ketidan Masiyo, Shamayo, Elazar, Uzzi, Yohuxanon, Malkiyo, Elam va Eyzar borgandilar. Qoʻshiqchilar oʻzlarining yoʻlboshchisi Yizraxiyo boshchiligida kuylagandilar.

⁴³Oʻsha kuni xalq koʻp qurbonliklar keltirib, xursandchilik qilishdi, chunki Xudo ularga koʻp shod — xurramlik ato qilgan edi. Ayollar va bolalar ham xursand edilar. Quddusdagi shodlik sadolari uzoqlardan eshitilib turardi.

⁴⁴Oʻsha kuni Ma’baddagi omborxonalar ustidan odamlar tayinlandi. Omborxonalarda hadyalar, birinchi hosildan keltirilgan nazrlar va ushrlar[96] saqlanar edi. Tayinlangan odamlar, qonunga koʻra, shaharlar atrofidagi dalalardan ruhoniylar va levilar uchun ushrlarni yigʻib, omborxonalarga olib kelishlari kerak edi. Chunki Yahudo xalqi ruhoniylar va levilarning xizmatini qadrlar edi.

⁴⁵Ruhoniylar, levilar poklash marosimlarini va Xudo tayin etgan boshqa marosimlarni bajarar edilar. Qoʻshiqchilar va darvozabonlar ham, ular qatorida, shoh Dovud va uning oʻgʻli Sulaymondan qolgan farmonga muvofiq, Ma’badda xizmat qilar edilar.

⁴⁶Darvoqe, qoʻshiqchilarga boshlovchi tayinlab, Xudoga hamdu sano va shukronalar aytish odati azaldan — Dovud va Osif davridan boshlangan edi.

⁴⁷Zarubabel davrida ham, Naximiyo[97] davrida ham butun Isroil xalqi qoʻshiqchilar va Ma’bad darvozabonlari uchun kundalik ulushlarni berardi. Ular levilar uchun ham ulush ajratishardi, levilar esa ruhoniylarning ulushini ajratib berishar edi.