Read Uzbek Muqaddas Kitob Naximiyo 7 Bible Online

Naximiyo 7 - Uzbek Muqaddas Kitob bible

Naximiyo 7

¹Devor qurilib, men darvozalarning qanotlarini oʻrnattirib boʻlganimdan keyin, Ma’bad darvozabonlari[46], qoʻshiqchilar va levilar tayinlandi.

²Men ukam[47] Xoninni va qal’a qoʻmondoni Xanoniyoni Quddus ustidan hokimlar qilib tayinladim. Xanoniyo sodiq odam boʻlib, boshqalarga qaraganda Xudodan qoʻrqardi.

³Men ularga shunday deb aytdim: “Kun issiq paytida Quddus darvozalarini ochiq qoldirmanglar[48]. Oʻsha paytda navbatchilikda turgan soqchilar darvozalarni berkitib, qulflab qoʻysinlar. Quddus aholisi orasidan ham qoʻriqchilarni tayinlanglar. Ularning ba’zilari maxsus joylarni, boshqalari esa oʻzlarining uylari atrofini qoʻriqlashsin.”

⁴Quddus keng, katta shahar edi. Lekin shaharda koʻp odam yashamas, hali uylar koʻp qurilmagan edi.

⁵Shunda yoʻlboshchilarni, amaldorlarni va xalqni toʻplab, urugʻlari boʻyicha roʻyxat tuzishni Xudoyim koʻnglimga soldi. Men Yahudoga surgundan birinchi boʻlib qaytib kelganlarning[49] nasabnomasi roʻyxatini topdim. Nasabnoma kitobida quyidagilar yozilgan edi:

⁶“Bobil shohi Navuxadnazar asir qilib olib ketgan yahudiylarning[50] bir qismi Quddusga va Yahudo yurtidagi oʻz shaharlariga qaytib kelib, oʻrnashdilar. Ular Zarubabel, Yoshua, Naximiyo, Ozariyo[51], Ramiyo, Naxamonax, Mardoxay, Bilshon, Mispar, Bigʻvay, Nixum va Banax boshchiligida qaytib kelgan edilar. Surgundan qaytib kelgan Isroil erkaklarining soni quyidagicha edi:

⁷

⁸Paroʻsh urugʻidan — 2172 nafar erkak.

⁹Shafatiyo urugʻidan — 372 nafar erkak.

¹⁰Orax urugʻidan — 652 nafar erkak.

¹¹Paxatmoʻab, ya’ni Yeshuva hamda Yoʻab urugʻlaridan — 2818 nafar erkak.

¹²Elam urugʻidan — 1254 nafar erkak.

¹³Zattu urugʻidan — 845 nafar erkak.

¹⁴Zakkay urugʻidan — 760 nafar erkak.

¹⁵Binnuy urugʻidan — 648 nafar erkak.

¹⁶Boʻvay urugʻidan — 628 nafar erkak.

¹⁷Ozgad urugʻidan — 2322 nafar erkak.

¹⁸Odonixam urugʻidan — 667 nafar erkak.

¹⁹Bigʻvay urugʻidan — 2067 nafar erkak.

²⁰Adin urugʻidan — 655 nafar erkak.

²¹Oter, ya’ni Yoxizqiyo urugʻidan — 98 nafar erkak.

²²Xashum urugʻidan — 328 nafar erkak.

²³Bezay urugʻidan — 324 nafar erkak.

²⁴Xorif urugʻidan — 112 nafar erkak.

²⁵Givon urugʻidan — 95 nafar erkak.

²⁶Tagi Baytlahmlik va Natufolik — 188 nafar erkak.

²⁷Tagi Onotoʻtlik — 128 nafar erkak.

²⁸Tagi Bayt — Ozmobitlik — 42 nafar erkak.

²⁹Tagi Xirat — Yoʻrimlik, Xafiralik va Baroʻtlik — 743 nafar erkak.

³⁰Tagi Ramalik va Gebolik — 621 nafar erkak.

³¹Tagi Mixmashlik — 122 nafar erkak.

³²Tagi Baytillik va Aylik — 223 nafar erkak.

³³Tagi Navolik — 52 nafar erkak.

³⁴Tagi Elamlik — 1254 nafar erkak.

³⁵Tagi Xarimlik — 320 nafar erkak.

³⁶Tagi Yerixolik — 345 nafar erkak.

³⁷Tagi Loʻdlik, Hodidlik va Onoʻlik — 721 nafar erkak.

³⁸Tagi Sanolik — 3930 nafar erkak.

³⁹Surgundan qaytib kelgan ruhoniylarning soni quyidagicha edi: Yoshua naslidan, aniqrogʻi Yodiyo urugʻidan — 973 nafar erkak.

⁴⁰Immar urugʻidan — 1052 nafar erkak.

⁴¹Pashxur urugʻidan — 1247 nafar erkak.

⁴²Xarim urugʻidan — 1017 nafar erkak.

⁴³Surgundan qaytib kelgan levilar urugʻlarining soni quyidagicha edi: Xoʻdavo naslidan boʻlgan Yeshuva, aniqrogʻi Kadmil urugʻlaridan — 74 nafar erkak.

⁴⁴Osif urugʻidan boʻlgan qoʻshiqchilar — 148 nafar erkak.

⁴⁵Shallum, Oter, Talmoʻn, Oqquv, Xatita va Shoʻvay urugʻlaridan boʻlgan Ma’bad darvozabonlari — 138 nafar erkak.

⁴⁶Surgundan qaytib kelgan Ma’bad xizmatkorlarining urugʻlari quyidagilar edi: Zixo, Xasufa, Tabbayoʻt,

⁴⁷Kerosh, Siyo, Padoʻn,

⁴⁸Lavon, Xagava, Shalmay,

⁴⁹Xanon, Giddol, Gaxar,

⁵⁰Rayo, Ratan, Nakudo,

⁵¹Gʻazzom, Uzzo, Posiyox,

⁵²Besay, Munim, Nafusim,

⁵³Bobuh, Xakufa, Xorxur,

⁵⁴Bazulat, Maxido, Xarsha,

⁵⁵Borkis, Sisaro, Tamax,

⁵⁶Naziyo, Xatifa.

⁵⁷Sulaymon qarollarining[52] surgundan qaytib kelgan urugʻlari quyidagilar edi: Soʻtay, Soʻfarat, Paridax,

⁵⁸Yalox, Darxun, Giddol,

⁵⁹Shafatiyo, Xattil, Paxarathazzavoyim, Omon.

⁶⁰Ma’bad xizmatkorlari va Sulaymonning qarollari urugʻlaridan boʻlganlarning jami 392 kishi edi.

⁶¹Quyidagilar Tel — Malax, Tel — Xarsha, Xarub, Adoʻn va Immar shaharlaridan kelgan edilar: Daloyo, Toʻviyo va Nakudo urugʻlari — 642 kishi. Lekin bular oʻzlarining urugʻboshisi Isroil nasliga mansubligini isbotlay olmasdilar.

⁶²

⁶³Quyidagi ruhoniylar urugʻlari ham oʻz nasabnomasini topa olmadilar: Xavayo, Xakkoʻz va Borzulay urugʻlari. (Borzulayning bobosi Giladlik Borzulay degan odamning qiziga uylangan boʻlib, bu urugʻ oʻsha ayolning urugʻi nomi bilan yuritilar edi.) Shu sababdan ular xizmat qilishga nopok hisoblanib, ruhoniylikka qabul qilinmadilar.

⁶⁴

⁶⁵Yahudo hokimi[53] ularga shunday dedi: «Birorta ruhoniy Xudodan Urim va Tummim[54] orqali ruhoniy ekanligingizni soʻrab, tasdiqlamaguncha, sizlar nazrlarning ruhoniylarga tegishli ulushidan tanovul qilmaysizlar.»

⁶⁶Bu jamoa jami 42.360[55] kishidan iborat edi.

⁶⁷Bulardan tashqari, qul va choʻrilari — 7337 kishi, qul va choʻri qoʻshiqchilar 245 kishi edi.

⁶⁸Jamoaning 736 ta oti, 245 ta xachiri,

⁶⁹435 ta tuyasi, 6720 ta eshagi bor edi.

⁷⁰Ba’zi urugʻboshilar qurilish ishlari uchun in’omlar berdilar. Hokim ham xazinaga 1000 oltin tanga[56], 50 ta togʻoracha va ruhoniylar uchun 530 ta koʻylak berdi.

⁷¹Ba’zi urugʻboshilar inshoot qurilishi uchun xazinaga 20.000 oltin tanga[57], 80 pud[58] kumush berdilar.

⁷²Qolgan xalq jami 20.000 oltin tanga, 75 pud[59] kumush va ruhoniylar uchun 67 ta koʻylak berdilar.

⁷³Shunday qilib, ruhoniylar, levilar, Ma’bad darvozabonlari, qoʻshiqchilar, Ma’bad xizmatkorlari va xalqning qolganlari oʻz shaharlariga borib joylashdilar.”