Read Uzbek Muqaddas Kitob Zabur 107 Bible Online

Zabur 107 - Uzbek Muqaddas Kitob bible

Zabur 107

¹Dovud sanosi. Qoʻshiq.

²Ey Xudo, yuragim Senga sodiq, Jonim boricha Seni kuylab, qoʻshiq aytaman.

³Uygʻon, ey arfa, lira! Tongni ham men uygʻotaman!

⁴Ey Egam, xalqlar orasida Senga shukrona aytaman, Ellar orasida Senga hamdu sano kuylayman.

⁵Sodiq sevging samolardan ham yuksakdir, Sadoqating bulutlardan ham balanddir.

⁶Ey Xudo, falakdan ham yuqorida yuksalaver! Shuhrating butun zamin uzra yoyilsin.

⁷Oʻng qoʻling ila gʻalaba ato qilgin, Iltijoimga javob bergin, Suyukli bandalaring najot topsin.

⁸Ey Xudo, Oʻz muqaddas makoningdan va’da bergansan[308]: “Shodlanib Shakamni[309] boʻlib tashlayman, Suxot vodiysini[310] taqsimlab beraman.

⁹Gilad Menikidir, Manashe[311] Menikidir, Efrayim dubulgʻamdir, Yahudo[312] saltanat hassamdir.

¹⁰Moʻab Mening qoʻlyuvgichimdir, Edom uzra chorigʻimni otaman[313], Filistlar[314] uzra zafar ila hayqiraman.”

¹¹Ey Xudo, qaniydi mustahkam shaharga[315] meni olib borsalar, Edomga meni boshlab borsalar.

¹²Axir, bizni Oʻzing rad etding — ku! Endi lashkarimizga yoʻlboshchilik qilmayapsan — ku!

¹³Dushmandan qutqarib, bizga yordam ber, Insonning yordami butunlay behuda.

¹⁴Ey Xudo, Sen bilan biz gʻolib boʻlamiz, Dushmanlarimizni Sen yanchib tashlaysan.