Read Uzbek Muqaddas Kitob Zabur 11 Bible Online

Zabur 11 - Uzbek Muqaddas Kitob bible

Zabur 11

¹Ijrochilar rahbariga. Sakkiz torli asbob joʻrligida aytiladigan Dovud sanosi.

²Najot bergin bizga, ey Egam! Taqvodor bir inson qolmadi, Senga sodiq inson yoʻq boʻlib ketdi.

³Hamma bir — biriga yolgʻon soʻzlaydi, Xushomadgoʻylik bilan bir — birini aldaydi.

⁴Xushomadgoʻy tillarni Egamiz kesib tashlasin, Maqtanchoq ogʻizlarni U qirib tashlasin.

⁵Axir, ular: “Ogʻzimiz bilan erishamiz har narsaga, Tilimiz oʻzimizniki, kim xoʻjayin bizga?!” deb aytadi.

⁶Egamiz aytmoqda: “Muhtoj ezilib ketdi, Bechora nola qildi. Endi qoʻzgʻalaman, Oʻzlari intilgan najotga yetkazaman.”

⁷Egamizning va’dalari gʻoyatda pokdir, Uning soʻzlari oʻchoqda Yetti karra tozalangan kumushga oʻxshaydi.

⁸Har tarafda qabihlar daydib yuradi, Har yoqda odamlar yomonlikni maqtab yuradi. Ey Egam! Bulardan bizlarni saqlagaysan, To abad bu nasldan bizni himoya qilgaysan.