Read Uzbek Muqaddas Kitob Zabur 139 Bible Online

Zabur 139 - Uzbek Muqaddas Kitob bible

Zabur 139

¹Ijrochilar rahbariga. Dovud sanosi.

²Yomonlardan meni qutqar, ey Egam, Zoʻravonlardan himoya qil meni.

³Ular yuraklarida qabihlikni qasd qiladi, Doimo urush — janjallarni qoʻzgʻaydi.

⁴Ular tillarini ilonday oʻtkir qiladi, Tillaridan ilon zahri tomadi.

⁵Ey Egam, meni qabihlarning qoʻlidan qutqar, Yiqitmoqchi boʻlgan zoʻravonlardan meni himoya qil.

⁶Takabburlar men uchun tuzoq qoʻyganlar, Ular toʻrlarining iplarini yoyganlar, Yoʻlim boʻylab menga qopqon qoʻyganlar.

⁷Ey Egam, Senga aytaman: “Sen Mening Xudoyimsan.” Quloq sol, ey Egam, Senga iltijo qilaman.

⁸Ey Egam Rabbiy, qudratli najotkorim! Jang kunida boshimni omon saqlading.

⁹Ey Egam, fosiqning istagini bajo qilmagin, Ularning qabih rejalariga omad bermagin, Ular magʻrurlanib ketmasin.

¹⁰Atrofimni oʻrab olganlarning tahdidlari, Oʻzlarining boshiga kelsin.

¹¹Yonayotgan koʻmir choʻgʻi oʻzlariga yogʻilsin, Ular olovga, iflos chuqurlarga uloqtirilsin — u, Aslo qaytib chiqmasin.

¹²Tuhmatchilarga yurtda aslo joy boʻlmasin, koʻkarmasin, Falokat zolimning izidan tushib, uni yoʻq qilsin.

¹³Bilaman, ey Egam, mazlumni himoya qilasan, Bechoraholni adolat ila qoʻllab — quvvatlaysan.

¹⁴Solihlar albatta Senga shukrona aytadi, Toʻgʻri insonlar huzuringda istiqomat qiladi.