Read Uzbek Muqaddas Kitob Zabur 142 Bible Online

Zabur 142 - Uzbek Muqaddas Kitob bible

Zabur 142

¹Dovud sanosi. Eshitgin, ey Egam, ibodatlarimni, Sen sodiqsan, iltijoimga quloq sol, Sen odilsan, javob ber.

²Men, Oʻz qulingni hukm qilmagin, Axir, Sening nazaringda hech kim solih emas.

³Dushmanlar meni ta’qib qilgan, Mening tanamni tuproqqa qorgan, Azalda olamdan oʻtganlar kabi, Meni zulmatda yashashga majbur qilar.

⁴Shu bois ruhim soʻlgan, Yuragim qoʻrquvdan uvushib qolgan.

⁵Men oldingi kunlarni eslayman, Sening hamma ishlaring haqida oʻylayman, Qoʻllaring ijodini xayolimga keltiraman.

⁶Qoʻllarimni Senga ibodat uchun ochaman, Qaqragan yer kabi jonim Senga tashna.

⁷Ey Egam, menga tez javob ber, Ruhim tushkunlikda, Mendan yuz oʻgirmagin, Toki qabrga kirganlarday boʻlib qolmayin.

⁸Saharda sodiq sevgingni menga bildirgin, Umidimni Senga bogʻlayman. Yuradigan yoʻlimni Oʻzing koʻrsatgin, Yuragimni Senga ochaman.

⁹Ey Egam, meni gʻanimlarimdan qutqar, Panoh istab Senga qochib borganman.

¹⁰Sening xohishingni bajarmoqqa meni oʻrgat, Sen Xudoyimsan, Sening ezgu Ruhing Meni tekis soʻqmoqdan yetaklab borsin.

¹¹Ey Egam, Oʻz noming haqi meni saqlagin, Adolating bilan meni kulfatdan qutqargin.

¹²Sodiq sevging haqi qirgin gʻanimlarimni, Yoʻq qilib tashlagin hamma dushmanlarimni, Axir, men Sening qulingman — ku.