Read Uzbek Muqaddas Kitob Zabur 19 Bible Online

Zabur 19 - Uzbek Muqaddas Kitob bible

Zabur 19

¹Ijrochilar rahbariga. Dovud sanosi.

²Kulfatda qolganingda, Egamiz senga javob bersin, Bobomiz Yoqubning Xudosi seni tinch — omon saqlasin.

³Muqaddas maskanidan U senga madad yuborsin, Quddusdan[32] U senga tayanch boʻlsin.

⁴U sening hamma nazrlaringni yodda tutsin, Kuydirilgan qurbonliklaringni qabul etsin.

⁵Koʻngling istaganini Egamiz senga in’om qilsin, Hamma rejalaringni roʻyobga chiqarsin.

⁶Shunda biz zafaringni sevinch ila kuylaymiz, Xudoyimiz nomi bilan bayroqlar oʻrnatamiz, Hamma iltijolaringni Egamiz roʻyobga chiqarsin.

⁷Bilaman, Egamiz Oʻzi tanlagan shohga najot beradi, Egamiz muqaddas samosidan unga javob beradi, Egamiz oʻng qoʻli bilan unga buyuk gʻalaba ato qiladi.

⁸Ba’zilar jang aravalariga ishonadi, Ba’zilar otlari bilan maqtanadi, Biz esa Egamiz Xudoga ishonamiz.

⁹Ular holsizlanib yiqiladilar, Biz esa kuchayib qad rostlaymiz.

¹⁰Ey Egam, shohimizga ato qilgin gʻalaba, Iltijo qilganimizda, javob bergin bizga[33].