Read Uzbek Muqaddas Kitob Zabur 25 Bible Online

Zabur 25 - Uzbek Muqaddas Kitob bible

Zabur 25

¹Dovud sanosi. Ey Egam, toʻgʻri yurganim uchun Meni oqlagin. Qoqilmasdan Senga tayandim.

²Sinab, imtihon qil meni, ey Egam! Yuragimni, niyatimni sinab koʻr!

³Sening sodiq sevging koʻz oʻngimdadir, Senga doim sodiqman[46].

⁴Yolgʻonchilarga men sherik boʻlmayman, Munofiqlar bilan doʻst boʻlmayman.

⁵Fosiqlar toʻdasidan nafrat etaman, Qabihlarga men sherik boʻlmayman.

⁶Namoyon qilmoq uchun aybsizligimni Qoʻllarimni yuvaman, ey Egam. Qurbongohing atrofida yuraman,

⁷Baland ovoz ila shukrona qoʻshigʻini kuylayman, Jamiki moʻjizalaring haqida aytaman.

⁸Ey Egam, sevaman Sen maskan qilgan uyni, Ulugʻvorliging porlagan joyni.

⁹Gunohkorlar qatori jonimni olma, Qonxoʻrlar qatori hayotimga chek qoʻyma.

¹⁰Ularning qoʻllari tuzadi yovuz reja, Oʻng qoʻllari poraga toʻla.

¹¹Men esa pok hayot kechiraman, Qutqar meni, qil menga shafqat.

¹²Toʻgʻri yoʻldan ogʻmayman, Ey Egam, ulugʻ yigʻinlarda Seni olqishlayman.