Read Uzbek Muqaddas Kitob Zabur 27 Bible Online

Zabur 27 - Uzbek Muqaddas Kitob bible

Zabur 27

¹Dovud sanosi. Senga iltijo qilaman, ey Egam, Meni eshitmay qolmagin, ey suyangan Qoyam. Agar menga gapirmay sukut saqlasang, Qabrga tushgan odam kabi boʻlib qolaman.

²Eshitgin, Senga iltijo qilaman. Muqaddas maskaningga[47] qoʻllarimni choʻzib, Faryod qilib, Sendan madad soʻrayman.

³Meni fosiqlarning qatoriga qoʻshmagin, Ularning qilmishlari yomonlikdir, Qoʻshnilariga tilyogʻlamalik qiladi, Yuraklarida esa yovuz niyatdir.

⁴Qilmishiga yarasha ularga jazo bergin, Iflosliklariga yarasha jazolagin. Qabih ishlariga yarasha adabini bergin, Xizmatiga yarasha ularga qaytargin.

⁵Ey Egam, ular ishlaringni qadrlamas, Sening ijodingga e’tibor qilmas, Sen ularni yiqitasan, Ular qaytib tiklanolmas.

⁶Olqishlar boʻlsin Egamizga, Iltijolarimni U eshitdi.

⁷Egam — mening qudratim, qalqonimdir, Yurakdan Unga umid bogʻlaganman. Egam menga madad berdi, baxtiyorman. Qoʻshigʻim ila Unga shukrona aytaman.

⁸Egamiz Oʻz xalqining qudratidir, Oʻzi tanlagan shohning najot qoʻrgʻonidir.

⁹Xalqingga najot ber, ey Egam, Oʻz elatingga baraka bergin. Ularning choʻponi boʻlgin, To abad ularga gʻamxoʻrlik qilgin.