Read Uzbek Muqaddas Kitob Zabur 35 Bible Online

Zabur 35 - Uzbek Muqaddas Kitob bible

Zabur 35

¹Ijrochilar rahbariga. Egamizning quli Dovud sanosi.

²Fosiqlarning gunohkorligi haqida Yuragimda bir bashorat bor: Gunohkor inson Xudodan qoʻrqmaydi.

³Oʻzining nazdida u osmonda yuradi, Xudo gunohimni koʻrmaydi, Hukm qilmaydi, deb aytadi.

⁴Ogʻzidan manfur, yolgʻon soʻzlar chiqadi, Donolikdan, yaxshi ishlar qilishdan u bosh tortadi.

⁵Hatto yotganda ham fosiqlikni oʻylaydi, Gunohga oʻzini bagʻishlaydi, Fosiqlikdan aslo yuz oʻgirmaydi.

⁶Ey Egam, sodiq sevging falaklarga yetgaydir, Ey Egam, sadoqating samolarga choʻzilgaydir.

⁷Odilliging buyuk togʻlarga oʻxshaydi, Adolating tubsiz dengizga oʻxshaydi, Ey Egam, insonu jonivorlarni Sen saqlagaysan.

⁸Sodiq sevging, ey Xudo, naqadar bebahodir! Qanotlaring soyasida insonlar panoh topadi.

⁹Ular uyingdagi ne’matlardan yeb toʻyadi, Lazzat toʻla daryoingdan ularga ichirasan.

¹⁰Hayotning bulogʻi Sendadir, Ziyo olarmiz Sening nuringdan.

¹¹Seni bilganlarga sodiq sevgingni koʻrsat, Yuragi soflarga Oʻzing najot bergin.

¹²Takabburning oyogʻi meni ezmasin, Fosiqning qoʻllari meni haydamasin.

¹³Ana, badkirdorlar agʻanab yotibdi, Qaddini koʻtara olmay, yerga qapishib yotibdi.