Read Uzbek Muqaddas Kitob Zabur 40 Bible Online

Zabur 40 - Uzbek Muqaddas Kitob bible

Zabur 40

¹Ijrochilar rahbariga. Dovud sanosi.

²Baxtlidir bechorani oʻylaydiganlar, Kulfatda qolganlarida Egamiz ularni qutqaradi.

³Egamiz ularni himoya qiladi, hayotini asraydi, Ular yurtdagi baxtlilardan hisoblanadi, Egamiz ularni dushmanlari ixtiyoriga topshirmaydi.

⁴Toʻshakka mixlanib qolsa, Egamiz parvarish qiladi, Xastaligiga Egamiz shifo beradi.

⁵Shunday iltijo qildim Senga: “Ey Egam, shafqat qil menga, Gunoh qildim Senga, shifo bergin.”

⁶Dushmanlarim yovuz niyat ila shunday deydi: “Qachon oʻlar ekan u, nomi ham qachon oʻcharkan?”

⁷Ular meni koʻrgani kelganda, Yolgʻon — yashiq gaplarni gapiradi. Yuraklarida esa fisqu fasod tugib, Tashqariga chiqadi — da, Hamma joyda yoyib yuradi.

⁸Mendan nafratlanganlarning hammasi Menga zarar berishni reja qilishadi, Birlashib, men haqimda pichir — pichir qilishadi:

⁹“Ogʻir xastalikka chalingan u, Toʻshagidan qaytib tura olmaydi.”

¹⁰Hatto nonimni yegan yaqin, ishongan doʻstim, Menga qarshi bosh koʻtargan.

¹¹Sen esa, ey Egam, menga rahm qil, Meni oyoqqa turgʻaz. Qilmishlariga yarasha dushmanlarimga qaytaray.

¹²Dushmanlarim ustimdan gʻolib kelmasa, Mendan mamnun boʻlganingni bilaman.

¹³Toʻgʻriligim uchun meni saqlaysan, Huzuringda to abad meni oʻtqazasan.

¹⁴Olqishlar boʻlsin abadulabad Isroil xalqining Xudosi — Egamizga! Omin! Omin!