Read Uzbek Muqaddas Kitob Zabur 51 Bible Online

Zabur 51 - Uzbek Muqaddas Kitob bible

Zabur 51

¹Ijrochilar rahbariga. Edomlik Doyeg Shoulning oldiga borib: “Dovud Oximalekning uyida”, deb xabar bergandan keyin[105], Dovudning aytgan qasidasi[106].

³Nechun maqtanasan yovuzliging ila, ey zoʻravon?! Xudoning sodiqligi doim men bilan, axir!

⁴Balo keltiraman, deya reja qilasan, Oʻtkir ustaraga oʻxshaydi tiling. Aldashga sen mohirsan.

⁵Ezgulikdan koʻra, yovuzlikni yoqtirasan, Haqiqatni soʻylashdan koʻra, yolgʻonni afzal bilasan.

⁶Halok qiladigan soʻzlarni yaxshi koʻrasan, Yolgʻonchi tilni sevasan.

⁷Xudo esa seni to abad halok qiladi, Seni ushlab, chodiringdan tortib chiqaradi, Tiriklar yurtidan yoʻq qilib tashlaydi.

⁸Solihlar buni koʻrib, qoʻrqadi, Fosiqning ustidan kuladi:

⁹“Qarang, oʻsha odam Xudoni panohim deb bilmadi, Moʻl — koʻl boyligiga umid bogʻladi, Boshqalarni qirish tufayli kuchaydi.”

¹⁰Men — chi, oʻxshayman Xudoning uyidagi Koʻm — koʻk zaytun daraxtiga. Xudoning sodiq sevgisiga Men to abad umidimni bogʻlayman.

¹¹Ey Xudo, Sening hamma qilganlaring uchun Senga to abad shukur aytaman. Taqvodorlaringning huzurida Senga umid bogʻlayman, Axir, Oʻzing yaxshisan!