Read Uzbek Muqaddas Kitob Zabur 62 Bible Online

Zabur 62 - Uzbek Muqaddas Kitob bible

Zabur 62

¹Dovud Yahudo choʻlida boʻlgandan keyin[136], uning aytgan sanosi.

²Ey Xudo, mening Xudoyimsan, intilaman Senga, Quruq, toliqqan suvsiz tuproqday Jonim tashnadir Senga, Vujudim orzumanddir Senga.

³Muqaddas maskaningda Senga nigoh tashladim, Qudratingni, shuhratingni koʻrdim.

⁴Hayotdan afzal Sening sevging, Tilimdan tushmas Senga madhiya.

⁵Bir umr Seni olqishlayman, Qoʻllarimni koʻtarib, Senga sajda qilaman.

⁶Ilik bilan yogʻ yeganday jonim mamnun boʻladi, Shodiyona qoʻshiqlar ila Seni madh qilaman.

⁷Oʻrnimda yotib ham, Seni eslayman, Seni oʻylab, tunni qarshi olaman.

⁸Oʻzing mening madadkorim boʻlding, Qanotlaring soyasida sevinch ila kuylayman.

⁹Sening ortingdan qolmay ergashaman, Oʻng qoʻling meni mahkam tutadi.

¹⁰Jonimning payiga tushganlar Yerning qa’riga tushib yoʻq boʻlib ketadi.

¹¹Ular qilichning damiga yoʻliqadi, Chiyaboʻrilarga yem boʻladi.

¹²Shoh esa Xudodan sevinch topadi, Xudo nomi bilan ont ichganlar Uni madh qiladi, Yolgʻonchilarning ogʻzi esa yopiladi.