Read Uzbek Muqaddas Kitob Zabur 64 Bible Online

Zabur 64 - Uzbek Muqaddas Kitob bible

Zabur 64

¹Ijrochilar rahbariga. Dovud sanosi. Qoʻshiq.

²Ey Quddusdagi[137] Xudo, Sen loyiqsan hamdu sanoga, Senga bergan ontimizni bajo qilamiz.

³Sensan ibodatlarga javob berguvchi, Jamiki odamzod Senga keladi.

⁴Gunoh ustimizdan[138] tantana qilgan, Sen esa kechirasan gunohlarimizni[139].

⁵Qutlugʻ hovlimda yashasin deya, Sen Oʻzing tanlab, olib kelgan inson Naqadar baxtlidir! Uyingning, muqaddas Ma’badingning Ne’matlaridan biz bahramand boʻlamiz.

⁶Gʻaroyib ishlar koʻrsatib, Gʻalaba ila bizga javob berasan, Ey najotkorimiz Xudo! Yerning toʻrt tomonining, Hamda eng uzoq dengizlarning umidi Sensan.

⁷Kuch bilan Oʻzingni qurollantirgansan, Qudrating ila togʻlarni joylashtirgansan.

⁸Dengizlar hayqirigʻini bostirasan, Toʻlqinlar shovqinini tinchitasan. Xalqlar shovqin — suroniga barham berasan.

⁹Dunyoning u chetida yashovchilar Moʻjizalaringdan qoʻrquvga tushadi. Sharqdan gʻarbgacha xalqlar Sening ishlaringni sevinch ila kuylaydi.

¹⁰Zaminni Sen sugʻorib parvarishlaysan, Moʻl — koʻl qilib uni boyitasan. Ey Xudo, daryolaring suvi limmo — limdir, Insonlarni don — dun bilan ta’minlashni moʻljallagansan.

¹¹Egatlarini qondirib sugʻorasan, Baland joylarini Oʻzing tekislaysan, Yomgʻir bilan tuprogʻini yumshatasan, Hosiliga baraka berasan.

¹²Moʻl hosil bilan yilga toj kiygizasan, Aravalaring yurgan yoʻllardan boylik oqadi.

¹³Choʻl sersuv oʻtloqzorlarga aylanadi, Tepaliklar sevinchga burkanadi.

¹⁴Yaylovlar qoʻy suruvlari bilan qoplanadi, Vodiylar donlarga toʻladi, Ular sevinchdan hayqirib qoʻshiq aytadi.