Read Uzbek Muqaddas Kitob Zabur 78 Bible Online

Zabur 78 - Uzbek Muqaddas Kitob bible

Zabur 78

¹Osif[204] sanosi. Ey Xudo, begona xalqlar Tanlagan yurtingni bosib oldi, Ular muqaddas Ma’badingni bulgʻadi, Quddusni vayronaga aylantirdi.

²Biz Sening qullaringmiz. Ular qullaringning jasadlarini Qushlarga yemish qilib berdilar. Taqvodor xalqingning etini Zamindagi yovvoyi hayvonlarga berdilar.

³Quddus atroflarida ular qonimizni suvday toʻkdi, Jasadlarni dafn qilishga biron zot qoldirmadi.

⁴Qoʻshnilarimiz oldida masxara boʻldik, Atrofimizdagilarga kulgi, oʻyinchoq boʻldik.

⁵Ey Egam, qachongacha bizdan gʻazablanasan? To abadmi? Qachongacha rashking alangaday yonadi?

⁶Seni tan olmaydigan xalqlar uzra, Senga sajda qilmaydigan shohliklar uzra Gʻazabingni sochgin.

⁷Ular xalqing Isroilni[205] yeb bitirdi, Yurtini tashlandiq sahroga aylantirdi.

⁸Bizga otalarimiz gunohlarini eslatma, Bizga tezda shafqatingni koʻrsat, Axir, biz oyoq osti boʻlib ketdik — ku!

⁹Oʻz shuhrating haqi, bizga madad ber, Ey najotkorimiz Xudo! Oʻz noming haqi, bizni qutqar, Gunohlarimizni kechir.

¹⁰Nima uchun begona xalqlar: “Qayerda ekan — a ularning Xudosi”, deya aytmogʻi kerak?! Xalqlardan oʻch olganingni biz koʻraylik, Axir, ular bizning qonimizni toʻkkan.

¹¹Mahbuslarning figʻonini eshitgin, Buyuk qudratingni namoyish qilib, Oʻlimga mahkum boʻlganlarni qutqargin.

¹²Ey Rabbiy, qoʻshni xalqlar Seni haqoratlagani uchun Ularga yetti baravar qaytargin.

¹³Biz Sening xalqing, yaylovdagi suruvingmiz, Senga to abad shukur aytarmiz, Nasldan naslga Seni takror madh qilarmiz.