Read Uzbek Muqaddas Kitob Zabur 82 Bible Online

Zabur 82 - Uzbek Muqaddas Kitob bible

Zabur 82

¹Osif[222] sanosi. Qoʻshiq.

²Ey Xudo, sukut saqlamagin, Jimjit boʻlma, ey Xudo, jim turmagin.

³Dushmanlaring shovqin — suron solmoqda, Gʻanimlaring isyon qilmoqda.

⁴Ayyorlik bilan ular xalqingga fitna qiladi, Sen ardoqlaganlarga qarshi qasd qiladi.

⁵Ular aytar: “Qani, oʻsha xalqning ildizini quritaylik, To abad unutilsin Isroilning nomi.”

⁶Edomliklar va Ismoil avlodlari, Moʻabliklar[223] va Hojar nasllari[224], Gabol[225], Ommon va Omolek[226] xalqlari, Tir xalqi bilan Filistiya[227] Til biriktirib, fitna qiladi, Senga qarshi ittifoq tuzadi.

⁹Lut nasli[228] bilan ittifoq tuzib, Ossuriya ham ularga qoʻshilgan edi.

¹⁰Midiyonlarni jazolaganingday[229] ularni jazola, Xishon daryosida Sisaro, Yobinni qirganingday[230] jazola.

¹¹Ular En — Doʻrda halok boʻlgandilar, Yerga tashlangan goʻngday boʻlgandilar.

¹²Oriv va Zayovday[231] qilib, ularning yoʻlboshchilarini oʻldir, Barcha shahzodalarini Zevax va Zalmunoday[232] qilgin.

¹³Axir, ular: “Xudoning oʻtloqlarini Oʻzimizniki qilib olaylik”, dedilar.

¹⁴Ey Xudoyim, ularni xazonday sovurgin, Shamoldagi somonday ularni uchirgin.

¹⁵Oʻrmonni alanga yondirganday, Ularni boʻronlaring ila ta’qib qil. Tepaliklarni olov bilan kuydirganday Ularni dovullaring ila dahshatga sol.

¹⁷Yuzlarini sharmandalikdan qizartir, Toki ular, ey Egam, Senga intilsin.

¹⁸Ular doim sharmanda boʻlib, qoʻrquvga tushsin, Badnom boʻlib, yoʻq boʻlib ketsin.

¹⁹Ular bilsin Egamiz Sen ekaningni, Yer yuzida buyuk hukmdor yolgʻiz Sen ekaningni.